Atyraý oblysynda da qymbat kólikke úsh sany birdeı nemese eki nóli bar nómirlerdi taǵyp júrý sánge aınala bastady. Tipti, onyń baǵasy qymbat bolsa da, satyp alýdan tartynbaıtyndar qatary kóbeıip keledi. Ákimshilik polısııa basqarmasynyń bólim basshysy Arman Aıazǵalıevtyń aıtýynsha, byltyrǵy qazannan beri atyraýlyqtarǵa 119 kólik nómiri satylypty. Al bıylǵy jyl bastalysymen kólik ıeleri osyndaı 64 nómirdi satyp alýǵa qomaqty qarjy jumsaǵan.
Jalpy, úlken suranys pen qyzyǵýshylyqqa ıe nómirlerdi satýdan bıýdjetke 21 mıllıon teńgeden astam qarjy túsken. Kólik ıeleriniń qyzyǵýshylyǵy 271 myń 554 teńgege baǵalanǵan – 111, 555, 888 jáne 451 myń 896 teńgelik – 001, 007 sandy nómirlerge aýyp otyr.
Joldasbek ShО́PEǴUL,
«Egemen Qazaqstan».
Atyraý oblysy.