2025 jylǵy 12–15 mamyr aralyǵynda Sharapat Beısekova kóshesinen Kúlásh Baıseıitova kóshesine deıingi aralyqta ornalasqan Fah ben Abdýl Azız jáne Sabyr Qojametov kósheleriniń ýchaskelerinde ortasha jóndeý jumystary júrgiziledi. Osyǵan baılanysty atalǵan jol bólikterinde kólik qozǵalysy ishinara shekteledi, dep habarlaıdy Egemen.kz.
Basqarmanyń málimetinshe, jóndeý jumystary kezinde qozǵalys eki baǵytta bir jaqty jolmen kezeń-kezeńimen uıymdastyrylady. Iаǵnı kólik quraldaryna balama baǵyttarmen qozǵalýǵa týra keledi.
«Júrgizýshiler men jaıaý júrginshilerge óz marshrýttaryn aldyn ala josparlap, joldaǵy ýaqytsha shekteýlerdi eskerý qajettigi eskertildi. Qaýipsizdik maqsatynda jóndeý aımaqtarynda ýaqytsha jol belgileri men baǵyttaýshy kórsetkishter ornatylady», delingen habarlamada.
Qala ákimdigi jolda qolaısyzdyqtar týyndaýy múmkin ekenin moıyndaı otyryp, turǵyndardan túsinistik tanytýdy jáne qozǵalys josparlaryn soǵan saı beıimdeýdi suraıdy.