Qazir oblys turǵyndarynan tirkelmegen otty qarýlardy satyp alý aksııasy júrgizilýde. Keıbir turǵyndar qoldaryndaǵy qarýlaryn óz erkimen tapsyryp, syıaqy alýdy durys sanasa, basqalary olardy jasyrýǵa tyrysatyny belgili boldy, dep jazady Egemen.kz.
Esil aýdanynyń 58 jastaǵy turǵyny egis alqaptarynan taýyp aldym dep «TOZ-8» myltyǵyn tapsyrdy. Qazir bul qarýdyń qandaı da bir qylmysqa qatystylyǵy tekserilý úshin saraptamaǵa joldandy.
Al 50 jastaǵy basqa bir turǵyn tirkelmegen qarýyn tapsyrýǵa asyqpaǵan. Reıd barysynda onyń «Toyota» avtokóligi toqtatylyp, júksalǵyshtan IJ-16 tegis uńǵyly jáne «TOZ-16» myltyqtary tabyldy. Bul qarýlar da tirkelmegen bolyp shyqty, sondyqtan polısııa olardy tárkiledi. Qazir bular da saraptamaǵa jiberilgen.
Sondaı-aq 44 jastaǵy aýyl turǵynynan tirkelmegen «VALTRO» gazdy tapanshasy tabylǵan. Saraptama qarýdyń kalıbri 9 mm. patrondarmen atýǵa jaramdy ekenin kórsetti. Tártip buzýshylardyń ekeýine qatysty ákimshilik materıal jınaldy.
Soltústik Qazaqstan oblysy