Almas belgisimen marapattaldy

Keshe Máskeýdegi Qazaqstan elshiliginde Qazaqstan Res­pýb­lıkasynyń Prezıdenti Nursultan Nazarbaev marapattalǵan Halyqaralyq ınjenerlik akademııasynyń almas belgisiniń tapsyrý rásimi ótti. Bul qurmetti nagrada Elbasyna «Qazaqstannyń ınjenerlik akademııasynyń damýyna jáne TMD elderiniń ǵylymı, ınjenerlik-tehnıkalyq qoǵamdastyqtarynyń nyǵaıýyna eleýli úles qosqany úshin» berildi. Halyqaralyq ınjenerlik aka­demııa­synyń prezıdenti Borıs Gýsev qurmetti belgisin tapsyra tura, Nursul­tan Nazarbaevty ja­qynda ótken prezı­denttik saı­laý­daǵy jeńisimen quttyq­tady jáne Elba­synyń Keńes Odaǵynan keıin­gi ke­ńis­tikte ınjenerlik ǵylymdy damy­týdaǵy mańyzy zor dep málimdedi. Akademııada qurylǵan Almas bel­gisi ınjenerlik qyzmettegi qoǵamdyq qur­metteýdiń jáne kásibı ozattyqtyń eń joǵarǵy nysany bolyp tabylady. Tártip boıynsha ǵalymdar, ınjener­ler, óndiris salasynyń ókilderi, kór­nek­­ti memlekettik jáne qoǵam qaırat­ker­leri qyzmettegi erekshe jetistikteri úshin atalmysh belgimen marapattalady. Akademııanyń nagradasyn Qa­zaq­stannyń Reseıdegi elshisi Ma­rat Tájın qabyl aldy. Elshiniń aıtýyn­sha, bul marapat – Elbasynyń Keńes Odaǵynan keıingi keńistikte mańyz­dy ǵylymı jáne ınjenerlik joba­lardyń damýyna qosqan edáýir úlesiniń naqty kórsetkishi. «Qazirgi kezde Halyqaralyq ınje­nerlik akademııa qyzmetiniń mańyzy erekshe zor, sebebi aǵymdaǵy eýrazııalyq ekonomıkalyq ıntegrasııa úderisi EAEO-ǵa múshe memleketter ınjenerlik mektepteriniń tyǵys baılanysyn, ınjenerlik kadr­lardy sapaly daıarlaýyn jáne iri ın­fraqurylymdyq,  salaaralyq joba­laryn iske asyrýyn talap etýde», –  dedi M.Tájın. Halyqaralyq ınjenerlik akade­mııasy (HIA) Keńes Odaǵynyń Inje­ne­rlik akademııasynyń qu­qyq­tyq mıras­qory bolyp sanalady. HIA-ǵa birqa­tar sheteldik ult­tyq ınjenerlik akade­mııalar kire­di. Qazirgi tańda HIA-ǵa 40 eldiń 1300 ókili múshelik etýde, olar­dyń qatarynda shetelderdiń prezıdentteri, úkimet basshylary, ataqty ǵalymdary, qoǵam qaırat­ker­leri, iri ónerkásiptik jáne ǵylymı qurylymdarynyń basshylary bar.