Sherhan Murtaza atyndaǵy Halyqaralyq Taraz ýnıversıtetiniń bazasynda 9-11 synyp oqýshylary arasynda «Sherhan Murtaza oqýlary» ǵylymı shyǵarmashylyq baıqaýy ótti, dep habarlaıdy Egemen.kz.
Respýblıkalyq baıqaýǵa elimizdiń ár qıyrynan 50 úmitker qatysyp, úsh atalym boıynsha baq synady. Olar úsh kezeńdi qamtyǵan ádebı suraqtarǵa jaýap berip, óz óleńderin oqydy. Sondaı-aq zertteý jumystaryn qazylar nazaryna usyndy.
Respýblıkalyq baıqaýdyń nátıjesi boıynsha QR Oqý-aǵartý mınıstrliginiń «Daryn» respýblıkalyq ǵylymı-praktıkalyq ortalyǵynyń I dárejeli dıplomyn-3 oqýshy, II dárejeli dıplomyn - 6 oqýshy, III dárejeli dıplomyn - 10 oqýshy ıelenip,baǵaly syılyqtarmen marapattaldy. Sonymen qatar, júldegerler men qatysýshylarǵa Sherhan Murtazanyń kórkem ádebı kitaptary tabystaldy.
Shyǵarmashylyq dodada Sherhan Murtaza atyndaǵy Halyqaralyq Taraz ýnıversıteti rektorynyń grantyn almatylyq oqýshy Ǵumyrzaq Bekasyl ıelendi.
Jambyl oblysy