Sý resýrstary jáne ırrıgasııa mınıstrligi men elimizdegi jetekshi JOO arasynda jasalǵan memorandýmdar sheńberinde byltyr 80 stýdent óndiristik tájirıbeden ótse, bıyl 339 stýdent (288 stýdent ýnıversıtetterden, 51-i kolledjderden) tájirıbe jınaǵan, dep jazady Egemen.kz.
Bıyl óndiristik tájirıbeden ótken stýdentterdiń geografııalyq aýmaǵy da keńeıe túsken. Ásirese Jambyl, Qyzylorda, Aqmola, Batys Qazaqstan fılıaldary belsendilik tanytqan. Sonymen qatar Qyzylorda, Almaty, Shyǵys Qazaqstan Soltústik Qazaqstan óńirlerinde de tehnıkalyq jáne kásibı bilim berý uıymdarynyń stýdentteri tartylǵan.
Ǵylym jáne ınnovasııalar departamentiniń dırektory Lázzat Júsipovanyń aıtýynsha, Sý resýrstary jáne ırrıgasııa mınıstrligi bastamasymen qolǵa alynǵan bul baǵyt bolashaqta sý resýrstaryn retteý, ırrıgasııa, ekojúıe balansy sekildi strategııalyq mańyzy bar salalarda otandyq mamandardyń sapasyn arttyrýǵa yqpal etedi.
«Sonymen qatar memorandým sheńberinde birqatar joǵary oqý ornynda jańa mamandyqtar, sonyń ishinde «Sý dıplomatııasy» sııaqty zamanaýı baǵyttar ashylyp jatyr», dedi L.Júsipova.