Meniń bolashaq mamandyǵym – Otan qorǵaýshy

Men kishkentaıymnan áskerı mamandyqty tańdadym dep ótirik aıta almaımyn. Mektepte oqyp júrgende hor úıirmesinde án aıtýshy edim. Ánderdiń arasynda «Den Pobedy/Jeńis kúni» degen ándi aıtatynbyz. Bir kúni osy óleńdi án jınaqtarymnyń arasynan kezdeısoq kezdestirip qaldym da, qaıtalap tyńdaı bergim keldi. Án maǵan aıtyp taýysa almaıtyndaı áser qaldyrdy. «Otan qorǵaý», «Ana», «Jeńis» degen sózder qulaǵymnan ketpeı qoıdy. Men Otan qorǵaýshy bolamyn dep sheshtim. Sondyqtan da «Arystan» – naǵyz ofıser bolýǵa tárbıeleıtin mektepti tańdadym. Ata-anam bul sheshimime tańǵaldy, ári shynaıy qoldady. Dál qazir men bárin úlken adamdarsha oılaımyn, óıtkeni, meniń bolashaq mamandyǵym – Otan qorǵaýshy... (Beksultan Bısenov. Áskerı «Arystan» mamandandyrylǵan lıseıiniń 10-synyp oqýshysynyń shyǵarmasynan). Táýelsizdik alǵan jyldan bas­tap Qazaqstanda áskerı oqý oryndary kóptep ashyldy. Solardyń biri – Ile Alataýy­nyń bókterinde oryn tepken zamanaýı bilim beretin Alma­ty qalasynyń mańyndaǵy «Arystan» mamandandyrylǵan lıseıi. Mek­tep «Nursultan Nazarbaev bilim berý qoǵamdyq qorynyń» qol­daýymen 2011 jyly qańtar aıynda ashyldy. Bul lıseıdiń erek­sheligi sol, ol memlekettiń emes, Otanymyzdyń damýyna úles qosqan tabysty kásipkerlerdiń jeke qarajatyna salynǵan. Lıseı – Qazaqstanda balamasy joq zamanaýı oqý orny. Áskerı úlgide dáris beretin «Arystan» arnaıy mektebi memlekettik organdar men quqyq qorǵaý salasynda qyzmet isteıtin mamandardy daıarlaıdy. Jańa lıseı kesheni 20 myń sharshy metr aýmaqty alyp jatyr. Munda sapaly bilim alýǵa barlyq jaǵdaı jasalǵan. Tórt mezgil tamaq, negizgi jáne qosymsha sabaqtar, sporttyq jáne áskerı daıyndyq – bári tegin. Al shákirtterge qoıylatyn talap – bilim alýǵa úlken yqylas tanytyp, temirdeı tártipke baǵyný. Lıseıdiń oqý kabınetteri zerthanalar, dárishanalar, aq­pa­rattyq-kitaphanalyq jáne má­denı-demalys ortalyqtarymen tolyqtaı jabdyqtalǵan. Shákirt­terdiń fızıkalyq turǵyda damýy úshin kópfýnksııaly sport zaly, basseın, boks, kúres pen ziltemir kóterýmen jáne t.b. sport túrlerimen aınalysýǵa arnalǵan úıirmeler úzdiksiz jumys isteıdi. Jazdyq sport bazasy fýtbol, gımnastıka, voleıbol, basketbol alańdarymen, tennıs kortymen qamtylǵan. Bul mektepte fızıka, matematıka, ınformatıka, basqa da pánder úsh tilde tereńdetip oqytylady. Oqýǵa 8-synyp oqýshylary arasynan Qazaqstan boıynsha úmitkerler irikteledi. Lıseıge qabyldaý konkýrs arqyly júr­giziledi jáne psıhologııalyq turǵyda shynyqqan, densaýlyǵy myqty, úzdik oqýshylar, res­pýblıkalyq jáne halyqaralyq olımpıadalar jeńimpazy, naqty ǵy­lymdarǵa júırik, bastysy, áskerı iske qushtar er balalar ǵana túsedi, sondaı-aq, áleýmettik jaǵdaıy tómen otbasynyń balalaryna oryn qarastyrylǵan.Lıseı túlekteri elimizdiń jáne búkil álemniń eń ozyq ýnı­versıtetterinde joldamamen oqıtyn bolady. Tórt jarym jyl ishinde-aq áskerı tártiptegi «Arystan» ma­man­dandyrylǵan lıseıin respýblıka aýmaǵy tegis tanyp úlgerdi. Mundaı qurmetti ıelený úshin, birinshiden, «Nursultan Nazarbaev bilim berý qory» qoǵamdyq qory­nyń qamqorshylar keńesi bas­shylyǵynyń nátıjeli isteri sebep boldy. Ekinshiden, lıseı basshysy, zapastaǵy general-maıor, pedagogıka ǵylymdarynyń doktory, Áskerı ǵylymdar akademııasynyń tolyq múshesi Sábıt Taýlanov bastaǵan isker ustazdardyń sapaly bilimge qol jetkizgen nátıjeleri múmkindik berip otyr. «Arystan» lıseıi – shyn má­ninde óz bolashaǵyn áskerı qyz­metke arnaıtyn, Qarýly Kúshterdiń ofıseri bolýdy, eliniń qaýipsizdigin nyǵaıtýǵa úles qosýdy armandaıtyn, batyl, erjúrek, patrıot ulandarǵa arnalǵan mektep. Mundaı oqý oryndarynda bolashaq kósh­basshylar tárbıelenedi», – dedi 2013 jyly 27 sáýirde «Arystan» lıseıiniń ant qabyldaý saltanatyna qatysqan Qazaqstan Respýblıkasynyń Prezıdenti Nursultan Nazarbaev. Elbasymyz sol saparynda lıseı jumysymen tanysty, orynjaılaryn aralap kórip, joǵary baǵa berdi. – Elimiz «Qazaqstan-2050» Strategııasynda belgilengen min­detterdi oryndaý jónindegi jańa baǵyttardy júzege asyrýda. Bul úshin sapaly bilim alǵan jastar kerek. Men sizder úshin jasalǵan barlyq jaǵdaımen tanysyp shyqtym. Sizderdiń janarlaryńyzdan jiger ush­qynyn, sondaı-aq, jaqsy oqýǵa, bıik maqsattarǵa jetýge degen qulshynys kórdim. Oqytýshylar quramy men ata-analaryńyz elimizdiń naǵyz azamattary bo­lýlaryńyz úshin sizderge bar­lyǵyn jasaıdy dep oılaımyn. Men sizderge densaýlyq jáne oqýda tabys tileımin, – degen edi Memleket basshysy N.Á.Nazarbaev lıseıshilerdiń ant qabyldaý saltanatyna qatysqan kezinde. Eldiń erteńin tárbıeli de bilimdi urpaq kórkeıtedi. Al Otanymyzdyń qorǵanys qabiletin arttyra túsýge «Arystan» sııaqty temirdeı tártibi bar oqý orny da súbeli úles qosatynyna senimimiz zor. Sáýlebek BIRJAN. ALMATY.