Densaýlyq saqtaý qyzmetkerleriniń kásibı merekesinde Ulytaý oblysynyń medısına salasynyń dárigerleri marapattaldy, dep habarlaıdy Egemen.kz.
Oblys ákimi Dastan Ryspekov quttyqtaý sózinde «Adam ómirinen artyq qymbat eshteńe joq. Al sol ómir men densaýlyqty saqtaý jolynda ýaqytpen sanaspaı eńbek etip júrgen sizderdiń qyzmetterińiz – erekshe qurmet pen alǵysqa laıyq», dedi.
Merekelik sharada Ulytaý oblysy ákiminiń arnaıy «Úzdik pedıatr», «Úzdik terapevt», «Úzdik hırýrg», «Úzdik sanıtarlyq dáriger», «Densaýlyq saqtaý salasyndaǵy úzdik menedjer», «Stasıonardyń úzdik dárigeri», «Kásibine adaldyǵy úshin», «Bilim berý mekemelerindegi úzdik medısına qyzmetkeri», «Úzdik akýsher-gınekolog», «Úzdik jalpy tájirıbeli dáriger», «Úzdik aýyl dárigeri», «Úzdik akýsherka», «Úzdik feldsher», «Alǵashqy medısınalyq-sanıtarlyq kómektiń úzdik medbıkesi», «Stasıonardyń úzdik medbıkesi» atalym jeńimpazdaryna arnaıy syı-sııapat jasaldy.
Ulytaý oblysynyń ákimi «Jyl dárigeri» atalymynyń júldegeri Jezqazǵan qalasyndaǵy oblystyq kópbeıindi aýrýhananyń pedıatrııalyq qyzmettiń meńgerýshisi Qaýker Jaqsygeldiqyzyna bir mıllıon teńgelik sertıfıkatty tartý etti.
Oblystyń birqatar dárigeri QR Densaýlyq saqtaý mınıstrliginiń «Eńbek ardageri» medalimen, «Densaýlyq saqtaý isine qosqan úlesi úshin» tósbelgisimen, «Densaýlyq saqtaý isiniń úzdigi» tósbelgisimen, Densaýlyq saqtaý mınıstrliginiń Qurmet gramotasymen, Ulytaý oblysy ákiminiń alǵyshatymen, Densaýlyq saqtaý mınıstrliginiń alǵyshatymen jáne Ulytaý oblysynyń Qurmet gramotasymen marapattaldy.
Sonymen qatar sala úzdikterine «AQNIET» salalyq kásipodaǵynyń «Kásipodaqqa sińirgen eńbegi úshin» tósbelgisi, «SENIM» Densaýlyq saqtaý júıesi jumyskerleriniń salalyq kásiptik odaǵy» respýblıkalyq qoǵamdyq birlestiginiń úzdigi» tósbelgisi tabys etildi.
Saltanatty sharanyń sońy konsertke ulasty.
Ulytaý oblysy