Aqtóbe medısınalyq ortalyǵynyń mamandary 30 mamyr kúni Rasýl men Polına Samatovtardyń otbasynda Amır, Amın jáne Aıshanyń dúnıege kelýine sebepker boldy. Úsh sábı qanaǵattanarlyq jaǵdaıda úıge shyǵaryldy, dep habarlaıdy Egemen.kz.
Rasýl men Polınanyń bes jasar Daıana men úsh jasar Islam esimdi balalary bar. Jas otbasyn qýanyshtarymen oblystyq densaýlyq saqtaý basqarmasynyń ókilderi jáne Aqtóbe qalasy Astana aýdanynyń ákimi quttyqtady.
Aıta ketsek, jyl bastalǵaly óńirde 5255 sábı dúnıe esigin ashqan. Onyń ishinde elý biri – egizder bolsa, ekeýi – úshem eken.