ASTANA. 19 naýryz. Keshe Prezıdenttikke ózin-ózi usynýshy Ábilǵazy Qusaıynov kandıdat retinde tirkeldi. Bul týraly Ortalyq saılaý komıssııasynyń deregine silteme jasaǵan ras.kz habarlady.
«Ortalyq saılaý komıssııasy 18 naýryz kúni Ábilǵazy Qusaıynovty aldaǵy saılaýda Qazaqstan prezıdenttigine kandıdat retinde tirkeý týraly qaýly qabyldady», - delingen habarlamada.
Saılaý týraly konstıtýsııalyq zańǵa sáıkes, tilek bildirýshi saılaýshylardyń jalpy sanynyń keminde 1 paıyzy kóleminde qoldaýshylar qolyn jınaýy kerek jáne olar oblystardyń, respýblıkalyq máni bar qalalar men Astana qalasy turǵyndarynyń úshten eki bóliginiń ókilderi bolýy tıis. Naqty aıtqanda, qoldyń sany 93 myń 12-den kem bolmýy kerek. Al Qusaıynovty jaqtaǵan ras qoldardyń sany 132 152 boldy.
Budan basqa, Ortalyq saılaý komıssııasy ózin-ózi usynýshy Hasen Qoja-Ahmetti Konstıtýsııa talaptaryna sáıkes keledi dep taný týraly da sheshim shyǵaryp, oǵan qol qoıý paraqtaryn berdi.
Eske sala keteıik, ústimizdegi jyldyń 15 naýryzy kúni Ortalyq saılaý komıssııasy saılaýǵa qatysýǵa nıet bildirgenderden ótinish qabyldaýdy aıaqtady. Osy merzimge deıin barlyǵy 27 ótinish kelip tústi. Munyń aldynda prezıdenttikke kandıdat retinde tek eki adamnyń ǵana tirkelgeni habarlan bolatyn. Olar – qazirgi is basyndaǵy prezıdent Nursultan Nazarbaev jáne Qazaqstan kommýnıstik partııasynyń ókili Turǵyn Syzdyqov.
Prezıdenttikke kezekten tys saılaý bıylǵy jyldyń 26 sáýiri kúni ótedi.
Murat Aıtqoja.