ASTANA. 19 naýryz. Qazaqstandyq shańǵyshy Alekseı Poltoranın 2014-2015 jylǵy maýsymda Álem kýbogy jarysyn 8-orynmen aıaqtady. Alekseı osymen ekinshi márte jarystyń jalpy nátıjesinde úzdik ondyqtan kórinip otyr. Bul týraly «Egemen Qazaqstan» habarlady.
2014 jyldyń qarasha aıynda bastalǵan Álem kýbogy saıysy 14 kezeńnen turdy. Sońǵysy 15 naýryzda Norvegııanyń astanasy Osloda ótti. Barlyq kezeńde jıǵan upaılarynyń nátıjesinde Poltoranın úzdik ondyqtyń qataryna qosyldy. Ol osy maýsymda bir márte top jarsa (Toblah, Italııa, 10 km, jekeleı syn, klassıkalyq stıl), úsh ret kúmis júldeger atandy (Lıllehammer, Norvegııa, 15 km, iz qýý, klassıkalyq stıl, Val-dı-Femme, Italııa, 15 km, mass-sart, klassıkalyq stıl, Lahtı, Fınlıandııa, 15 km, jekeleı syn, klassıkalyq stıl). Soǵan oraı barlyǵy 537 upaı jınap, jalpy esepte 8-satyǵa taban tiredi. Al saıys barysynda 1364 upaı jıǵan Martın Sýnnbıý (Norvegııa) jeńimpaz atandy. Ekinshi oryn Darıo Kolonıaǵa (1059 upaı, Danııa) buıyrsa, úzdik úshtikti Petter Nortýg (961 upaı, Norvegııa) túıindedi.
Osyǵan deıin de Alekseı Poltoranın Álem kýbogy jarysynyń jalpy qorytyndysynda úzdik ondyqtan kóringenin aıtyq. Ol 2012-2013 jylǵy maýsymda tirkeldi. Tipti ol kezde 995 upaı jınaǵan shańǵyshymyz jarysty 4-orynmen aıaqtaǵan edi.
Álem kýbogynyń áıelder arasyndaǵy básekesinde jalpy qorytyndy boıynsha alǵashqy alty oryndy norvegııalyqtar ıemdendi. Sonyń ishinen aldyńǵy úshtikke engen sportshylar mynalar: 1) Marıt Bergen (2172 upaı); 2) Tereza Iohaýg (1388 upaı); 3) Heıdı Veng (1332 upaı).
Elaman Qońyr.
Derek: «Egemen Qazaqstan».
Sýret: fis-ski.com.