ASTANA. 19 naýryz. Álemdegi eń iri áleýmettik jelilerdiń biri facebook tutynýshylaryna jańa qyzmet túrin usyndy. Budan bylaı atalǵan jeli arqyly aqsha aýdarymdaryn júzege asyrýǵa bolady. Bul týraly hitech.vesti.ru habarlady.
Áleýmettik jeli bul qyzmetti óziniń facebook messenger qosymshasy arqyly iske qospaq. Jeli ókilderi qyzmettiń tegin kórsetiletinin aıtyp otyr. Iаǵnı qansha aqsha aýdarsańyz da eshqandaı ústemaqy tólemeısiz.
Bul fýnksııa jaqyn aılarda messenger-diń iOS jáne Android operasııalyq júıelerine arnalǵan jańa nusqalarynda iske qosylady dep kútilýde. Aqsha aýdarymdary Visa jáne MasterCard kartalaryn jeke akkaýnttarǵa tirkeý arqyly júzege asady.
Tutynýshynyń jeke málimetteriniń qaýipsizdigi arnaıy qupııa sózder arqyly qamtamasyz etiledi. Máselen iOS júıesin qoldanýshylarǵa qupııa sóz retinde Touch ID arqyly óz qoltańbalaryn paıdalanýǵa múmkindik bar.
Bastapqy kezde bul qyzmet tek AQSh-ta iske qosylady. Az ýaqyttan keıin jańa aqsha aýdarym júıesi basqa elderde de qyzmet kórsete bastaıdy.
Elaman Qońyr.
Derek: hitech.vesti.ru.
Sýret: sravni.ru.