KО́KShETAÝ. 19 naýryz. Naýryz merekesi qarsańynda Aqmola oblysynyń ákimi Sergeı Kýlagın men «Qazaqstannyń ıpotekalyq kompanııasy» AQ basqarýshy dırektory Ashat Aqchýrınniń qatysýymen áleýmettik turǵyn úıdi jalǵa berý baǵdarlamasy aıasynda salynǵan «Jansaıa» turǵyn úı kesheninde jańa páterlerdiń kiltterin tapsyrý saltanaty ótkizildi. Bul týraly egemen.kz tilshisi habarlady.
О́ńir basshysy Sergeı Kýlagın, «Báıterek» Ulttyq basqarýshy holdıngi» AQ departament basshysy Qanat Ybyraev qýanysh ıelerin quttyqtaý sózinde Prezıdent Nursultan Nazarbaevtyń Qazaqstan halqyna arnaǵan «Nurly Jol – bolashaqqa bastar jol» Joldaýynda áleýmettik turǵyn úılerdi jalǵa berý qurylysyna kózqarasty ózgertý, onyń qoljetimdiligi men ashyqtyǵyn qamtamasyz etý, turǵyndarǵa satyp alý quqyǵyn bere otyryp, uzaq merzimdi tómengi paıyzdyq júıeni engizýdi tapsyrǵanyn atap kórsetti. О́ńirlerdi damytýdyń 2020 jylǵa deıingi baǵdarlamasynyń sharapaty retinde ásem turǵyn úı kesheninde 19,5 myń sharshy metrlik 337 páterdiń kilti tapsyryldy. Munyń ózi ıgi bastamanyń jalǵasyn taba beretinin dáleldeıdi.
Kókshetaý tarıhynda bir mezette 337 otbasynyń qonys qýanyshy bolyp kórmegen.
Baqbergen Amalbek.
Derek, sýret: egemen.kz.