Bul týraly Densaýlyq saqtaý mınıstrligine qarasty Medısınalyq-sanıtarııalyq alǵashqy kómek (MSAK) ortalyǵynyń dırektory Aıgúl Qasymova Ortalyq kommýnıkasııalar qyzmeti alańynda ótken baspasóz konferensııasynda aıtty, dep habarlaıdy Egemen.kz.
Bıylǵy jyldyń basynda tirkelgen halyq sany 20,3 mıllıonnan asqan, bul kórsetkish – 2023 jyldan beri turaqty ósip kele jatyr jáne atalǵan dınamıka qalada da, aýyldyq jerlerde de saqtalyp tur.
Spıkerdiń aıtýynsha jumys isteıtin 677 MSAK nysanynyń 62 paıyzy qalada, 38 paıyzy aýyldyq jerlerde ornalasqan.
«Sonymen qatar, memlekettik uıymdar tirkelgen halyqtyń 75 paıyzyna, ıaǵnı shamamen 15 mıllıon adamǵa qyzmet kórsetse, jekemenshik uıymdar – 25 paıyzyna nemese 5 mıllıon adamǵa qyzmet kórsetedi», dedi A.Qasymova.
Aıtýynsha, kadrmen qamtamasyz etý boıynsha oń dınamıka baıqalady. Jalpy praktıka dárigeriniń (JPD) qamtylýy – 87 paıyz, orta medısınalyq personal – 81 paıyz, terapevtter men pedıatrlar – 84-85 paıyz.