1976 jyly Kanadanyń Monreal qalasynda ótken jazǵy Olımpıada oıyndary talaı tarıhı sátterge toly boldy.
Sporttyq gımnastıkadan komandalyq jarys kezinde japondyq sportshy Sýn Fýdzımoto tizesin syndyryp alady. Kez kelgen sportshy úshin bul jarysty toqtatýǵa tolyq negiz bolar edi. Alaıda Fýdzımoto jaraqatyna qaramastan, bul jaıynda bapkerlerine de, dárigerlerge de tis jarmaı, jarysty jalǵastyrady. Ol aldymen gımnastıkalyq at snarıadynda óner kórsetedi. Keıin saqınada kúrdeli jattyǵýlar oryndaıdy. Eń tańǵalarlyǵy – sońǵy kezeńde ol birshama bıiktikten quldılap kelip eki aıaǵymen jerge minsiz túsedi. Osy kezde tizesine túsken aýyr salmaqtan onyń jaraqaty odan ári asqynyp ketkenimen, sportshy bul sátti de sabyrmen eńsere bildi. Fýdzımotonyń bul batyl qadamy komandasyna sheshýshi upaılar alyp kelip, Japonııa quramasy jarysta altyn medal ıelenedi.