Almaty oblysynda Qorǵanys mınıstrligine tıesili tikushaqty izdeý jumystary jalǵasyp jatyr. Áskerı tikushaq 25 shilde kúni kúndiz radardan joǵalyp ketken, - dep habarlaıdy Egemen.kz.
Tótenshe jaǵdaılar mınıstrliginiń baspasóz qyzmeti habarlaǵandaı, tikushaqty izdeý jumystary túngi ýaqytta da toqtamaı júrgizilýde. Aqparat jańarǵan saıyn mınıstrlik qosymsha málimet beretinin málimdedi.
25 shilde kúni saǵat 15:13 shamasynda Almaty oblysynda áskerı tikushaqty izdeý jumystary bastalǵany habarlanǵan.
Qorǵanys mınıstrliginiń málimetinshe, Qazaqstan Qarýly kúshteri Áýe qorǵanysy kúshteriniń EC-145 tikushaǵy josparly ushý tapsyrmasyn oryndap júrgen. Bortta úsh ekıpaj múshesi bolǵan. Oqıǵanyń mán-jaıyn anyqtaý úshin arnaıy komıssııa joldandy. Alty saǵat ótse de áýe kóligi áli tabylǵan joq.