ALMATY. 5 tamyz. Baǵdarsham – alǵash ret 1914 jylǵy 5 tamyzda Klıvlend qalasynda (AQSh) paıdalanyldy. Sol kúnnen bastap 5 tamyz Halyqaralyq baǵdarsham kúni bolyp sanalady. Bul týraly egemen.kz habarlady.
Alǵashynda baǵdarshamnyń jaryǵy qyzyl men jasyl tús boldy. Jaryq aýysar kezde qurylǵy tosyn dybys shyǵaryp, belgi beretin.
Jalpy, baǵdarshamnyń tereń tarıhy bar. Bul apparatty eń alǵash ret aǵylshyn ǵalymy Djeı Naıt 19-ǵasyrda oılap tapty. Djeıdiń baǵdarshamy 1868 jyly Londondaǵy Parlament úıiniń aldyna ornalastyryldy. Arada úsh jyl ótkenda ol baǵdarsham kezdoısoq sátte jarylyp, sol mańdaǵy polıseı aýyr jaraqat aldy. Naıt baǵdarshamynyń ǵumyry osymen bitti. Biraq, arada 50 jyl ótkende, eki tústi baǵdarsham dúnıege qaıta keldi.
Úsh tústi qazirgi zamanǵy baǵdarsham AQSh-tyń Detroıt pen Nıý-Iork qalalarynda 1920 jyldan bastap kóshege turaqty túrde qoıyldy. Baǵdarshamdar kóp keshikpeı álemniń ózge qalalaryna da taraı bastady.
Talǵat Súıinbaı.
Derek: egemen.kz.
Sýret: AR, egemen.kz.