2025 jyly azamattyq belsendi turǵynnyń ótinishinen keıin Almaty qalasy boıynsha Ishki memlekettik aýdıt departamenti Indýstrııa jáne qurylys mınıstrliginiń О́nerkásip komıtetine qarasty «Qazaqstan Respýblıkasy mıneraldyq shıkizatyn keshendi qaıta óńdeý jónindegi ulttyq ortalyq» sharýashylyq júrgizý quqyǵyndaǵy RMK-da tekserý júrgizgen, dep habarlaıdy Egemen.kz.
Aýdıt barysynda qyzmetkerlerge jalaqy men syıaqy tóleýdiń negizdiligi qaraldy. Nátıjesinde, 2024 jyly jumys istelmegen ýaqyt úshin 14,2 mln teńgege jalaqy tólengeni anyqtalǵan.
«Tekserilgen bıýdjettik qarajat pen aktıvterdiń jalpy kólemi 188,9 mln teńgeni qurady. Eńbekaqy tóleýdegi zańbuzýshylyqtardan bólek, aýdıtorlar 34,4 mln teńge somasynda birqatar eleýli rásimdik aýytqýlardy tirkedi. Olardyń qatarynda – úsh qashyqtan jumys isteıtin qyzmetkermen eńbek sharttarynyń bolmaýy (3,7 mln teńge), úsh qyzmetkerde jumys ýaqytynyń shekti normasynan asyp ketýi (12,7 mln teńge), sondaı-aq ǵylymı-tehnıkalyq baǵdarlama boıynsha konkýrstyq qujattamany ázirleý qyzmetterine negizsiz shyǵyndar (18 mln teńge) bar», dep habarlady Qarjy mınıstrliginiń Ishki memlekettik aýdıt komıteti.
Anyqtalǵan zańbuzýshylyqtardy joıý jáne jaýapty tulǵalardy jaýapkershilikke tartý týraly nusqama berilgen. Bul másele baqylaýǵa alynyp, jınalǵan materıaldar qylmystyq qýdalaý organdaryna joldandy.
Sarapshylardyń aıtýynsha, mundaı tekserýler memlekettik basqarý júıesindegi olqylyqtardy kórsetip qana qoımaı, ashyqtyq pen zańǵa baǵynýdyń qoǵam aldyndaǵy mańyzyn eske salady.