«Iаnvarsevo» shekaralyq gıdrobeketiniń derekteri boıynsha, bıylǵy jyldyń alty aıynda Reseı aýmaǵynan Qazaqstanǵa Jaıyq ózeni arqyly 6,43 mlrd tekshe metrden astam sý kelgen, dep habarlaıdy Egemen.kz.
Jaıyq transshekaralyq ózeniniń sý aǵysynyń 80%-ǵa jýyǵy Reseı Federasııasy aýmaǵynda qalyptasady. Elimizde bul ózen Atyraý oblysy arqyly Kaspıı teńizine quıady.
QR Sý resýrstary jáne ırrıgasııa mınıstrliginiń Qytaı jáne Reseımen sý salasyndaǵy yntymaqtastyǵy basqarmasy basshysy Naǵıma Ájiǵulovanyń aıtýynsha ózen sýynyń bólinýi 1996 jylǵy 20 maýsymda bekitilgen Jaıyq ózeni basseıninde transshekaralyq sý nysandaryn birlesip paıdalaný jáne qorǵaý, sý sharýashylyǵy qyzmetin úılestirý týraly Hattamaǵa sáıkes retteledi.
«Qujatta Reseı tarapynan Qazaqstanǵa jiberiletin sý kólemi aı saıyn naqtylanǵan», dedi N.Ájiǵulova.