Ámııanyn joǵaltyp kórgen adam onyń qaıta oralýyn kóbine kezdeısoqtyq dep oılaıdy. Alaıda psıhologter bul jerde adamnyń meıirimi men emosııasy úlken ról oınaıtynyn dáleldedi.
Osy jaǵdaıǵa kóz jetkizgisi kelgen shotlandııalyq ǵalymdar Edınbýrg kóshelerinde qyzyq tájirıbe júrgizdi. Olar 240 ámııandy ádeıi «joǵaltyp», ıesine qaıtarylý yqtımaldylyǵyn zerttedi. Nátıjesi – tańǵalarlyq. Ishinde sýreti joq ámııandardyń bar-joǵy 15%-y ǵana ıesine oralǵan. Al qart juptyń sýreti salynǵandary – 28%, otbasylyq sýreti barlary – 48%, úı janýary beınelengenderi – 53% qaıtarylǵan. Biraq naǵyz rekordty sábı sýreti ornatty. Mundaı ámııandardyń 88%-y ıesin tapqan. Ǵalymdardyń paıymdaýynsha, sábı beınesi adamdardyń erekshe janashyrlyq sezimin oıatady. Júrek eljiregen sátte adam joǵalǵan zatty ıesine qaıtarýǵa beıim keledi.