Premer-mınıstr Oljas Bektenov halyqaralyq avtokólik ótkizý pýnktterin rekonstrýksııalaý jónindegi Memleket basshysy bergen tapsyrmalardyń oryndalý barysy boıynsha jıyn ótkizdi, dep jazady Egemen.kz.
Jıynda kólik mınıstri Nurlan Saýranbaev, qarjy mınıstriniń mindetin atqarýshy Erjan Birjanov, QR Ulttyq qaýipsizdik komıteti tóraǵasynyń orynbasary – Shekara qyzmetiniń dırektory Erlan Aldajumanovtyń baıandamalary tyńdaldy.
Qarjy mınıstrliginiń málimetinshe, bıyl Eýrazııalyq ekonomıkalyq odaqtyń syrtqy shekaralaryndaǵy (QHR, О́zbekstan Respýblıkasy, Túrikmenstan) 9 ótkizý pýnktin rekonstrýksııalaý josparlanǵan. Búgingi tańda olardyń 4-eýinde: Qaplanbek, Atameken, Qaljat jáne Alakól pýnktterinde jumystar aıaqtalǵan. Bes nysandy jańǵyrtý jumystary jyl sońyna deıin óz máresine jetedi. Al «Jibek joly» jolaýshylar ótkizý pýnktin rekonstrýksııalaý jospardan tys júrýde, ony 2026 jyldyń birinshi jartyjyldyǵynda aıaqtaý kózdelgen. Jańǵyrtý jumystary kezinde alty jolaqty kirme joldar, elektrondy qadaǵalaý júıelerimen qosa alǵanda, barlyq qyzmetter úshin biryńǵaı ınfraqurylym qurýdy kózdeıtin jaǵdaı jasaýǵa basa nazar aýdaryldy. Baıandamalardy tyńdaǵan Premer-mınıstr keden qyzmetiniń, sondaı-aq Reseı Federasııasy men Qyrǵyzstan Respýblıkasy shekaralaryndaǵy avtomobıl ótkizý pýnktterin jóndeý merzimderiniń keshiktirilýine baılanysty salalyq mınıstrlikter jumysyn synǵa aldy.Oljas Bektenov QR Qarjy mınıstrligi Memlekettik kirister komıteti men QR Kólik mınıstrligi Avtomobıl joldary komıtetiniń tóraǵalaryn jumystaryn tıisti deńgeıde uıymdastyrmaǵany úshin jaýapkershilikke tartýdy tapsyrdy.Sonymen qatar mınıstrlikterdiń jaýapty basshylary jergilikti jerlerde jumysty úılestirý úshin óńirlerge jiberildi.Keden qyzmetiniń kadr quramyna, ásirese ótkizý pýnktterine qatysty talaptardy qatańdatý, sondaı-aq jabdyqpen jaraqtandyrý jáne ınternet jelisine qoljetimdilikti qamtamasyz etý máseleleri boıynsha mindetter qoıyldy.Kólik, qarjy mınıstrlerine ótkizý pýnktterin rekonstrýksııalaý barysy týraly Premer-mınıstrge apta saıyn esep berý tapsyryldy.