О́skemende oblystyq Ana men bala ortalyǵynda salmaǵy 6 keli 45 gramm bolatyn qyz bala dúnıege keldi. Bul týraly Shyǵys Qazaqstan oblysy Densaýlyq saqtaý basqarmasynyń baspasóz qyzmeti málim etti, dep habarlaıdy Egemen.kz.
Mamandardyń aıtýynsha, mundaı salmaqtaǵy sábılerdiń dúnıege kelýi óte sırek kezdesedi.
- Jańa týǵan náresteniń salmaǵy – 6045 gramm. Bul bizdiń tájirıbemizde sırek bolatyn oqıǵa. Mundaı sát tek ata-analar úshin ǵana emes, bosanýdy qabyldaǵan dárigerler úshin de erekshe este qalady, – dep atap ótti Ana men bala ortalyǵynyń mamandary.
Bosaný sátti ótip, ana men sábı dárigerlerdiń qatań baqylaýynda. Qazirgi tańda ekeýiniń de jaǵdaıy jaqsy.
- О́te baqyttymyn. Densaýlyǵym jaqsy. Bizge erekshe qamqorlyq kórsetken ortalyq ujymyna alǵysym sheksiz, – dedi qýanyshymen bólisken jas ana.
Qyzdyń esimi ázirge tańdalǵan joq.