Jańa standartta bilim berý uıymdarynda kókónister, jemister men sút ónimderin tutynýdy arttyrý kózdelgen. Bul týraly búgin Úkimet otyrysynda densaýlyq saqtaý mınıstri Aqmaral Álnazarova aıtty, dep jazady Egemen.kz.
Standart durys tamaqtanýǵa qoılatyn zamanaýı halyqaralyq talaptardy eskere otyryp ázirlengen. Munda qantty tutynýdy 3,6 esege deıin, tuzdy 5 esege deıin azaıtý josparlanǵan.
Sondaı-aq shaǵyn jınaqty mektepterde, býfetterde tamaqtanýdy uıymdastyrýǵa jáne arnaıy dıetalyq qajettilikteri bar balalardyń tamaqtanýyna qoıylatyn talaptar qamtylǵan.Alǵash ret «Jeýge jaramsyzdyq ındeksi» engizildi. Ol balalardyń tamaqtanýdy uıymdastyrý deńgeıine qanshalyqty kóńili tolatyndyǵyn anyqtaý jáne mektepte tamaqtanýdy uıymdastyrý júıesiniń tıimdiligin baǵalaý úshin qajet.
«Tamaqtaný standartyn iske asyrý aıasynda birneshe nusqada mektepte tamaqtanýǵa arnalǵan úlgilik standartty as máziri ázirlendi. Birinshi ret ystyq taǵam ázirleýge múmkindigi joq shaǵyn jınaqty mektepterge arnalǵan mázir jasaldy», dedi Aqmaral Álnazarova.