ATYRAÝ. 5 tamyz. Atyraý oblysynyń Mahambet aýdanynda 75 243,0 myń teńgege baǵalanǵan 12 múlik jarııa etildi. Bul týraly egemen.kz tilshisi habarlady.
Múlikti jarııa etýge baılanysty shara barysynda aýdan ortalyǵynda jáne bir aýyldyq okrýgte arnaıy bannerler ornatylypty. Aýdanda jáne aýyldyq okrýgterde semınar, dóńgelek ústelder ótkizilip, býklet, kitapshalar daıyndalyp, úılestirilip taratylǵan.
Osyndaı túsindirý jumystaryna qaramastan, áli de turǵyndar tarapynan múlikti jarııa etýge talpynys baıaý bolyp otyr. Oǵan ótken jyldyń qyrkúıeginen beri arnaıy komıssııaǵa 50 adamnyń habarlasqany dálel bola alady. Olarǵa aýdan ákiminiń orynbasary Mardan Seıitqalıev tóraǵalyq etetin komıssııa músheleri zańǵa sáıkes túsinik beripti.
«Qazirge deıin komıssııa qaraýyna túsken 15 ótinishtiń 12-si qanaǵattandyrylyp, 75 243,0 myń teńgeniń múlki zańdastyryldy. Usynylatyn ótinishterdiń kópshiligi turǵyn úıiniń qosymsha qurylysyn, dúkendi jarııa etýge baılanysty bolyp otyr», – dep málim etti aýdan ákiminiń orynbasary Mardan Seıitqalıev.
Joldasbek Shópeǵul.
Derek: egemen.kz.
Sýret: astana.gov.kz.