ORAL. 5 tamyz. Batys Qazaqstan oblysynyń ortalyǵy – Oral qalasynda Qazaq handyǵynyń 550 jyldyǵyna oraı «Jaıyq Press» JShS baspahanasynan qazaq handary beınelengen dápterler basylyp shyqty. Bul týraly «QazAqparatqa» silteme jasaǵan egemen.kz tilshisi habarlady.
Seriktestiktiń bas dırektory Jantas Safýllınniń aıtýynsha, «Nur Otan» partııasy bastaýysh uıymynyń bastamasymen mundaı ıgi is osydan úsh-tórt jyl buryn qolǵa alynǵan bolatyn. Budan deıin batyrlar Raıymbek, Syrym, Isataı, Mahambet, kúıshiler Qurmanǵazy, Dına, aqyndar Abaı, Ǵumar Qarash, Alash qaıratkeri Jahansha Dosmuhamedovtiń sýretteri men qysqasha ómirbaıandary basylǵan dápterler basylyp shyqqan.
Mundaı tyń bastamanyń maqsaty – syrtqy muqabasyna adamnyń bas súıegi, jartylaı jalańash deneleri sııaqty soraqy sýretter salynǵan sheteldik dápterlerdiń ornyn tárbıelik mańyzy bar otandyq ónimdermen toltyrý, soǵan jergilikti kásipkerlerdiń nazaryn aýdarý.
Qazaq handyǵyna arnalyp basylǵan dápterlerde Kereı men Jánibek handardyń, Abylaı men Ábilqaıyrdyń sýretteri jarııalanyp, ómirbaıandary jazylǵan. Handardyń sýretterin dápterge laıyqtap qaıta salǵan batysqazaqstandyq belgili qylqalam sheberi Bekjan Jumabaev, dızaıneri Arman Daýylbaev. Al ómirbaıan derekterin jazýǵa tarıh ǵylymdarynyń doktory, professor Ábilseıit Muqtar syndy beldi ǵalymdar atsalysty.
«Mundaı jumystar aldaǵy ýaqytta da jalǵasady. Mysaly, bıyl týǵanyna 140 jyl tolatyn Ǵumar Qarashtyń sýreti beınelengen kúndelik shyǵarý kózdelýde. Negizi oqý quraldary men dápterlerdiń tárbıelik mán-mańyzyn arttyrý maqsatynda Bilim jáne ǵylym mınıstrligi bas bolyp arnaıy komıssııa quryp, osy isti bir izge túsirse, tipti jaqsy bolar edi», deıdi Jantas Safýllın.
Temir Qusaıyn.
Derek, sýret: «QazAqparat».