Máskeýdegi arnaıy brıfıng

Máskeýde Qazaqstannyń Reseıdegi elshiliginiń baspasóz-ortalyǵynda buqaralyq aqparat quraldaryna arnalǵan 2015 jylǵy 26 sáýirde Qazaqstan Respýblıkasy Prezıdentiniń kezekten tys saılaýyn uıymdastyrý máseleleri jóninde brıfıng ótti, dep habarlady Qazaqstannyń Reseıdegi elshiliginiń baspasóz qyzmeti. Brıfıng barysynda Qazaq­stan­nyń Reseıdegi elshiliginiń keńesshi-ýákili Erlan Baıjanov jýr­nalısterdi sheteldik BAQ-tardy tirkeýden ótkizý rásimi­men tanystyryp, saılaýdy uıym­dastyrý jáne ótkizý boıyn­sha Qazaqstannyń ulttyq zańna­masy­nyń negizgi erejelerin túsindirdi, sondaı-aq, saılaý naýqanynyń jáne ony baıqaýdyń keıbir uıym­dastyrýshylyq máseleleri týraly aıtyp berdi. Elshilik ókiliniń aıtýynsha, Qazaqstan tarapy saılaý úderi­sin joǵary demokratııalyq standart­tarǵa saı ótkizýdi qamtamasyz etý úshin barlyq jaǵdaı jasaıtyn bolady. – Qazaqstanda ótkiziletin saı­laýlar árqashanda halyq­aralyq qoǵamdastyqtyń qyzyǵý­shylyǵyn týǵyzyp keledi. Biz halyqaralyq baıqaýshylardyń belsendi qatysýyn kútýdemiz. Shaqy­rýlar Reseı aýmaǵynda keńse­leri ornalasqan halyq­aralyq uıymdarǵa, ıaǵnı TMD Parlamentaralyq Assambleıasyna jáne UQShU Parlamenttik Assamb­leıasyna joldanǵan bolatyn. Ázirshe Eýropadaǵy qaýipsizdik jáne yntymaqtastyq uıymy atynan shamamen 450 baıqaýshy saılaý úderisin baıqaıdy dep josparlanýda. TMD atynan da osy shamalas baıqaýshy keledi dep kútilýde, – dedi E.Baıjanov. Keńesshi-ýákil belgili reseılik BAQ-tardy Qazaqstandaǵy saılaý naýqanyn aqparattyq qoldaýǵa belsendi qatysýǵa shaqyrdy. E.Baıjanovtyń málimetine sáıkes, 27 aqpannan bastap 20 sáýirge deıin sheteldik tilshilerdi tirkeýden ótkizý rásimi ashyq bolady. E.Baıjanov 16 naýryzda kan­dıdattardy tirkeý rásimi bastal­ǵanyn jáne ol 26 naýryzǵa deıin júr­giziletinin eske sala ketti. Nasıhat júrgizý naýqany 26 naýryz­dan bastap 24 sáýirge deıin ótetin bolady. Saılaýǵa bir kún qalǵanda, ıaǵnı, 25 sáýir únsizdik kúni dep jarııalanady. Sonymen qatar, qazaqstandyq dıplomat 2015 jylǵy 26 sáýirde elimiz azamattarynyń Reseı Federasııasynyń aýmaǵynda daýys berý tártibi men rásimderin aıtyp berdi. Saılaý kúni Qazaqstannyń Máskeýdegi elshiligi ǵımaratynda jáne Qazaqstannyń Sankt-Peter­býrg, Qazan, Astrahan, Omby qala­larynda jumys isteıtin saılaý ýchaskeleri ashylady. Reseı Federasııasynda bolǵan Qazaqstan Respýblıkasynyń azamattary sol ýchaskelerde óz daýystaryn berip, saılaýǵa qatysa alady, dedi keńesshi-ýákil.  Tek Qazaqstan azamattary pasportyn nemese jeke basyn kýálandyratyn qujatyn kórsetse bolǵany.