ASTANA. 6 tamyz. Osy jyldyń 1 shildesinde Astanada Wi-fi Bus Astana pılotty jobasy iske qosylǵan edi. Soǵan oraı qalanyń qoǵamdyq kólikteri tegin ınternetpen qamtamasyz etildi. Astana qalasy ákimdigimen birlese júzege asyrylǵan joba sheńberinde barlyq qala avtobýstary, ıaǵnı, 550 qoǵamdyq kólik qamtyldy. Bul týraly Astana qalasy ákimdiginiń resmı saıty astana.gov.kz habarlady.
Wi-fi Bus Astana jobasynyń basty maqsaty – jolaýshylarǵa qolaıly jaǵdaı jasaý jáne olardy qajetti aqparatpen qamtý. Kez-kelgen qoǵamdyq kólik paıdalanýshysy Wi-fi arqyly kerekti marshrýt pen aıaldamalar týraly aqparatty ala alady.
Joba iske qosylǵan 30 kún ishinde Wifi Bus Astana qyzmetin paıdalanýshylardyń sany 1 mıllıon 26 myń adamdy qurady. Táýligine, ortasha eseppen, bir avtobýsta 114 qoldanýshy Wifi Bus Astana qyzmetine júginedi.
О́tken aıda bir ǵana avtobýstyń jolaýshylary 2 565 gıgabaıt aqparatty paıdalanǵan. Júrgizilgen zertteýler nátıjesinde jolaýshylardyń kópshiligi tegin ınternetti mýzyka tyńdap, áleýmettik jeliler úshin qoldanatyny belgili boldy.
Elaman Qońyr.
Derek, sýret: astana.gov.kz.