Arhıv, qujattama jáne kitap isi komıtetine qarasty Ulttyq arhıvi «Arhıv jáne bolashaq urpaq» respýblıkalyq jobasy aıasynda Ashyq esik kúnin ótkizdi, dep jazady Egemen.kz.
Is-sharanyń negizgi maqsaty – tarıhı tulǵalar men qazaq halqynyń taǵdyryna qatysty qundy qujattardy urpaq jadynda jańǵyrtý, sondaı-aq elimizdiń tarıhy men mádenıetin tereńirek tanýǵa yntalandyrý arqyly jastardyń patrıottyq sezimin arttyrý boldy.
Ashyq esik kúni aıasynda HH ǵasyrdaǵy saıası qýǵyn-súrgin kezeńi, 1920-30 jyldardaǵy asharshylyq oqıǵalary jáne Qazaqstan Táýelsizdiginiń qalyptasýyna qatysty tarıhı qujattar kórmesi usynyldy. Ekspozısııada professor, medısına ǵylymdarynyń doktory Nurlan Batpenovtiń jeke qoryndaǵy materıaldar, sondaı-aq belgili ǵalym, etnograf, professor Álkeı Marǵulannyń qundy qoljazbalary qoıyldy.
Sonymen qatar zamanaýı skaner tehnologııasy arqyly arhıv qujattaryn sıfrlaý barysy kórsetildi. Qatysýshylar úshin ádebı vıktorınalar men ıntellektýaldy oıyndar uıymdastyryldy.
Sharaǵa Arhıv, qujattama jáne kitap isi komıtetiniń basshylyǵy, qoǵam jáne memleket qaıratkerleri, zııaly qaýym ókilderi, BAQ jýrnalısteri, sondaı-aq elordalyq mektep oqýshylary men L.N. Gýmılev atyndaǵy Eýrazııa ulttyq ýnıversıteti men Astana halyqaralyq ýnıversıtetiniń stýdentteri qatysty.