Memlekettik qyzmet kórsetý sapasy udaıy qadaǵalanady

Memlekettik qyzmet kórsetý tártibin, tıisti zańnamanyń buzylýyn aldyn alý maqsatynda qala aýmaǵyndaǵy memlekettik organdarǵa ádistemelik kómek kórsete otyryp, zań buzýshylyq anyqtalǵan jaǵdaıda nusqama beriledi jáne qaıta boldyrmaý maqsatynda usynystar joldaıdy. Osylaısha, memlekettik qyzmetter kórsetý sapasyn memlekettik baqylaý sheńberinde departamentpen ortalyq memlekettik organdardyń aýmaqtyq bólimsheleri men jergilikti atqarýshy organdarynda jos­parly jáne jospardan tys tekserý is-sharalary júzege asyrylady. Nátıjesinde, buzýshylyqtar anyq­talyp, olardy joıý boıynsha usynystar engiziledi.

Sondaı-aq departament azamattardan túsken aryz-shaǵymdardy qarap, onyń ishinde eger de shaǵym negizdi bolsa, azamattardyń quqyqtaryn qalpyna keltirý boıynsha jumystardy da árdaıym júzege asyrady. Máselen, memlekettik qyzmet kórsetý sapasyna baılanysty jyl basynan departamentke jeke jáne zańdy tulǵalardan 190-nan asa shaǵym kelip tústi. Olar­dyń ishindegi negizdelgen ótinishter qanaǵattandyrylyp, nátıjesinde 21 qyzmet alýshynyń quqyqtary qalpyna keltirildi. Osy oraıda qyzmetin tıisti dárejede atqarmaǵan 17 qyzmetker tártiptik, 10 laýa­zymdy tulǵa ákimshilik jaýapkershilikke tartylyp, 511 160 teńge mólsherinde ákimshilik aıyppul salyndy.

Oǵan qosa «IS INDIGO elektrondyq balabaqsha» aqparattyq júıesinde júrgizilgen monıtorıng nátıjesinde, 135 azamattyń quqyǵy qorǵaldy. Iаǵnı mektepke deıingi jastaǵy balalardy mektepke deıingi bilim uıymdaryna jiberý kezegi qalpyna keltirildi.

Memleket pen qoǵam arasyndaǵy qarym qatynasty kúsheıtý maqsatynda departament janynda qurylǵan vedomstvo­ara­­lyq jumys tobynyń otyrystary ótkizilip, onda qoǵam ókilderimen birlesip mem­lekettik qyzmet kórsetý sapasyn arttyrý jáne anyqtalǵan kemshilikterdi joıý boıyn­sha tıisti mekemeler men uıymdarǵa usynys berildi.

Departament baqylaý fýnksııa­la­ry­nan basqa memlekettik qyzmet kórsetý zańnamasynyń buzylýyn aldyn alý úshin turaqty túrde aqparattyq túsindirme is-sharalardy uıymdastyrady. Máse­len, halyqqa memlekettik qyzmet kór­se­tý máseleleri boıynsha aqparat berý maq­satynda «Qyzmet alýshylar kúni», mem­lekettik qyzmet kórsetetin qyzmetkerlerge arnalǵan «Qyzmet berýshi mektebi», memlekettik qyzmet kórsetý salasyndaǵy qyzmetkerlerdiń azamattarǵa sapaly qyzmet kórsetýin jetildirý úshin «Eń aldymen adamdar» baǵdarlamalyq oqytýlary ótkiziledi.

Sondaı-aq memlekettik qyzmet kór­se­tý sapasyn qamtamasyz etý jónindegi fýnk­sııalardy iske asyrý sheńberinde nor­ma­tıvtik quqyqtyq aktilerdi jetil­dirý­di talap etetin máseleler de anyq­talady.

Osy oraıda departament memlekettik qyzmetterdi kórsetý kezindegi servıstik úderisterdi avtomattandyrý, memlekettik qyzmetterdi kórsetýdiń tásilin iske asyrý boıynsha turaqty túrde usynystar ázirleıdi jáne memlekettik qyzmetterdiń sapasy men kórsetiletin qyzmetti alý­shy­lardyń qanaǵattaný deńgeıiniń tómen­deýine áser etetin faktorlarǵa turaq­ty túrde taldaý júrgizip otyrady. Máse­len, memlekettik qyzmetterdi kór­se­týdi retteıtin normatıvtik quqyqtyq akti­lerdi taldaý barysynda «E-gov» elektrondyq úkimet portalynda keıbir qyz­metter portal ınfraqurylymyna ıntegrasııalanbaǵany anyqtalyp jatady. Osy negizde aqparattyq júıelerdi portal arqyly qoljetimdilikke jetkizý boıynsha da is-sharalardy departament ýaqtyly qabyldaıdy.

Sonymen qatar áleýmettik suranysqa ıe qyzmettermen qatar bıznes, ınves­tısııa, sýbsıdııa jáne memlekettik qoldaýdyń ózge de sharalaryn damytýǵa, ońtaı­landyrýǵa baǵyttalǵan memlekettik fýnksııalar men qyzmetterdi bıýrokratııalandyrý boıynsha jumystardyń da júrgizilip jatqanyn atap ótken jón.

Departament memlekettik qyzmetterdi kórsetý barysynda jeke jáne zańdy tul­ǵa­lar­dyń quqyqtarynyń saqtalýyn aldaǵy ýaqyt­ta da jiti baqylaýda us­taıdy. Eger de memlekettik qyzmetter kórsetý ke­zinde quqyq buzylsa, azamattar departamentke jaz­ba­sha nemese «elektrondy úkimet» veb-por­taly nemese, «E-otinish» platformasy arqyly elektron­dy túrde, sondaı-aq «EgovKzBot 2.0» telegram-bot «Ýákiletti organǵa ótinish» batyrmasy arqy­ly júgine  alady.

Erbol JOLDANǴAR,

Memlekettik qyzmet isteri agenttigi

Astana qalasy boıynsha departamentiniń basshysy