Shyǵys óńirine Koreıadan bilikti dárigerler kelip, bir apta ishinde 800-den astam adamǵa medısınalyq qyzmet kórsetti. Dárigerlik qyzmet kórsetý barysynda shyǵysqazaqstandyq turǵyndar otbasylyq dárigerler men sırek kezdesetin bilikti mamandardyń qabyldaýynda boldy. Aıtalyq, Ense ýnıversıtetiniń «Kangnam Severans» emhanasynyń aıtýly mamandary úsh kún boıy turǵyndardy qabyldady. Olar ózderimen birge ÝZI, EKG, EHO jáne taldaý nátıjesin 7 mınýttyń ishinde shyǵaryp beretin bıohımııalyq qan taldaý apparattaryn alyp kelip, kóptegen dári-dármek pen dárýmenderdi tegin taratty. Osylaısha, ekijaqty áriptestik jónindegi memorandýmǵa sáıkes, ońtústik koreıalyq mamandar О́skemende 150 adamdy, Katonqaraǵaı aýdanynda 200 adamdy, al Úlken Naryn aýylynda 300 adamdy tekserýden ótkizdi. Katonqaraǵaı aýdanynda koreıalyq dárigerler 5-6 jastaǵy eki balaǵa demeýshilerdiń kómegimen óz emhanalarynda ota jasaıtyndyqtaryn jetkizdi. Qazirgi kezde balalardy «Kangnam Severans» emhanasyna shaqyrý máseleleri sheshilip jatyr.
Aıta ketken abzal, atalǵan kelisim arqyly halyqqa medısınalyq kómek kórsetý sheńberinde ekijaqty áriptestik pen tájirıbe almasý, birlesken konferensııalar, semınarlar ótkizý, sarapshylardyń kezdesýin uıymdastyrý syndy sharalar qarastyrylǵan bolatyn.
Dýman ANASh, «Egemen Qazaqstan».
Shyǵys Qazaqstan oblysy.