Elorda prokýratýrasy psıhıkalyq aýrýy bar dep tanylyp, qylmystyq jaýapkershilikten bosatylǵan 6 adamnyń qoldanystaǵy júrgizýshi kýáligi bar ekenin anyqtady, dep jazady Egemen.kz.
Olarǵa qatysty azamattyq talap-aryz qanaǵattandyrylyp, kólik quralyn basqarý quqyǵy toqtatylǵan.
Prokýratýranyń taldaý nátıjeleri boıynsha Qylmystyq kodekstiń 16 jáne 91-baptaryna ózgerister engizý usynyldy. Bul ózgerister sotqa psıhıkalyq aýrýǵa baılanysty qylmystyq jaýaptylyqtan bosatylǵan adamdarǵa qatysty kólik quralyn basqarý quqyǵyn toqtatý máselesin qatar qaraýǵa múmkindik beredi.
Astana qalasynda medısınalyq qarsy kórsetkishterge baılanysty 76 adamǵa kólik basqarýǵa shekteý qoıylǵan.