Germanııanyń Frankfýrt qalasynda ótip jatqan dástúrli halyqaralyq kitap kórmesinde aqyn, “Egemen Qazaqstan” gazetiniń tilshisi Dúısenáli Álimaqynnyń “Amerıka ashqan qazaqtar” atty jańa kitabynyń tanystyrylymy ótti, dep jazady Egemen.kz.
Atalǵan is-sharany nemis jazýshysy Artýr Vaıngand júrgizdi.
Sharaǵa AQSh, Qazaqstan, Germanııa, Ýkraına jáne Túrkııa elderinen kelgen oqyrmandar, ádebıetsúıer qaýym men mádenıet ókilderi qatysty. Is-shara barysynda avtor jańa eńbeginiń jazylý tarıhymen, shyǵarmashylyq izdenisterimen jáne sheteldegi qazaqtardyń ómiri men taǵdyryna qatysty oı-pikirlerimen bólisti.
Tanystyrylym sońynda qatysýshylar kitap avtoryna suraqtar qoıyp, týyndynyń mazmunyna joǵary baǵa berdi.
Frankfýrt kitap kórmesindegi bul tanystyrylym qazaq qalamgerleriniń halyqaralyq deńgeıde tanylýyna jáne ulttyq ádebıettiń nasıhattalýyna jańa serpin berdi.