О́tken ǵasyrdyń aıaǵy 1990 jyldyń 25 qazan kúni Qazaq SSR Joǵary Sovetiniń ekinshi sessııasynda «Qazaq Sovettik Sosıalıstik Respýblıkasynyń memlekettik egemendigi týraly» Deklarasııa qabyldanǵan edi, dep jazady Egemen.kz.
Osy bir tarıhı dataly oqıǵaǵa 35 jyl tolý qurmetine oraı, Astana qalalyq kitaphanalar júıesine qarasty №3 balalar kitaphanasynda «Týǵan elim – tuǵyrym» atty mádenı shara ótip, oǵan qalalyq baıyrǵy bilim oshaǵy 14-shi orta mekteptiń oqýshylary qatysty.
Elimizdiń bolashaǵy jas býynǵa kitaphana qyzmetkerleri eń áýeli búgingi egemendigimizdiń irgesin qalaǵan qujat Deklarasııa týraly túsindire otyryp, atalash saıası baǵyttyń nátıjesinde, elimiz qol jetkizgen táýelsizdik jetistikteri haqynda tanystyrdy.
Atap aıtqanda, respýblıka terrıtorııasy, zańdary, rámizderi jáne elordasy týraly málimetter oqýshylar arasyna suraq-jaýap stılinde nasıhattalyp, memleket tarıhyna qatysty eleýli oqıǵalar balalardy qyzyqtyrý úshin sózjumbaq túrinde usynyldy.
Mádenı shara sońynda oqýshylar ózderi daıyndap kelgen táýelsizdik týraly respýblıkamyzǵa tanymal avtorlardyń jyryn oqydy.