Bırmıngemnen júldeli oraldy

Ulybrıtanııanyń eń tanymal horror-fes­tıvaliniń biri sanalatyn bul sharaǵa kórermen kóp jınalady. Onda fılm kór­setilimderin, baıqaý baǵdar­la­malaryn, taqyryptyq kór­me­ler men Táýelsiz kıno pre­mııa­­synyń (Indie Film Awards) marapattaý rásimin usynady. «Jez­tyrnaq» fılmi «Best Score» syılyǵyn «Qazaq etnostyq na­­qy­shyndaǵy erekshe mýzyka­sy úshin» ıelendi. Qazylar alqasy ult­tyq ıntonasııalardyń, fol-k­lorlyq áýenderdiń jáne zamanaýı kınomýzykanyń erekshe úıle­simin atap ótti. Saýndtrektiń avtory – kompozıtor Abaı Aqbaev.

«Bul jeńis – fılmniń ǵana emes, ulttyq mýzykanyń jeńisi. Bizdiń mádenı biregeıligimiz­diń halyqaralyq deńgeıde baǵa­la­nýy zor maqtanysh. Ataýly marapat qazaq mýzykasynyń, folklorymyzdyń rýhyn, mi­ne­zin jáne mıstıkalyq qýa­tyn jetkize alatyn zamanaýı til bola alatynyn dáleldeıdi», dedi  «Clover Street Production» stýdııasynyń bas dırektory Valerııa Karaban.

Onyń aıtýynsha, sońǵy jyldary qazaq mýzykasy men kınosy ulttyq dástúr men zamanaýı úndi úılestire otyryp, halyqara­lyq deńgeıge kóterildi. Halyqtyq áýenderdi jańa estetıkada qaıta usynýdan bastap, túpnusqadaǵy kınomýzykalyq kompozısııalarǵa deıin álemdik mádenı keńistiktiń bir bóligine aınalyp keledi. 

«Jeztyrnaq» – qazaq mıfo­logııasynyń motıvterine ne­gizdelgen horror-komedııa. Fılm­niń oqıǵa jelisi bloger jigit pen aýqatty boıjetken­­niń tanystyǵy men qarym-qaty­na­synyń damýyn sýretteıdi, alaıda qyz jeztyrnaq bolyp shyǵady. Kartınany «Clover Street Production» stýdııasy tú­sirgen bolatyn. Ssenarıı avtor­lary – Sábıt Raqymbaev, Áýez Turmagambetov, Nurálı Sul­tanov jáne Ilmır Saǵıtov. Bas­ty rólderdi Esentaı Nııazbaev pen Dınara Mırasbek somdaǵan.

Buǵan deıin fılm Kanada­da ótken «The Bloody Horror International Film Festival»-de «Horror-Mystery Feature Film» atalymy boıynsha bas júldeni jeńip alǵan, sondaı-aq Japonııanyń «Karatsu Inter­national Film Festival» festı­valinde kórsetilip, akter Esentaı Nııazbaev «Ekinshi plandaǵy eń úzdik er adam róli» atalymynda marapattalǵan.