Bala tárbıesi barshaǵa ortaq. О́ıtkeni urpaǵy ozyq jurttyń jaǵasy qısaımaıdy. Osy maqsat múddesine saı tanymal pedagog, ulaǵatty ustaz Kúlásh Shamshıdınovanyń bala tárbıesine arnalǵan «Úzdik. Balaǵa qalaı kómektesken jón? Mektepte de, ómirde de» atty kitaby jaryq kórdi.
Qazaq jáne orys tilinde jaryq kórgen oqýlyqtyń basty ereksheligi – búgingi ata-analardy mazalaıtyn eń mańyzdy suraqtarǵa jaýap taba alasyz . Atap aıtar bolsaq:
– Mektepti qalaı tańdaǵan jón?
– Tek «bestik» baǵaǵa umtylǵan durys pa?
– Sıfrly dáýirde oqýshyny qalaı yntalandyramyz?
– Muǵalimmen kıkiljiń týsa ne isteý kerek?
– Balany qajytyp almas úshin qaıtken jón?
– Ata men áje nelikten bilim men meıirimniń qaınar kózi sanalady? – atty taqyryptardy qamtyǵan.
«Bul týyndy búgingi tárbıe men bilimniń eń ózekti máselesin qozǵaıdy. Balany oqýda qalaı qoldaý kerektigin, onyń mindetteri men demalysynyń arasyndaǵy teńgerim qandaı bolý tıistigin, ózine senimdilikti qalaı sińirý qajettigin qarapaıym tilmen ári naqty mysaldarmen túsindiredi. Sonymen qatar balany qaıtken kúnde de ozat qylyp tárbıeleý týraly emes, ómirden óz ornyn taba alatyn, jaýapkershilikti túsinetin, baqytty, tabysty adam tárbıeleý haqynda jazylǵan. Balany shyn máninde úzdik qylatyn nárse – osy», deıdi kitap avtory.