1945 jyl
Qubylyp sol kezderde turdy aspanym,
Sezdirip shattanǵanyn, muń basqanyn...
Qarsy aldym balalarmen birge baryp,
Ákemniń jaýdan qaıtqan qurdastaryn.
Moınyna ákeniń ul asylady,
Áke de baqytyna bas urady.
...Shette tur shemen kóńil qara bala,
Tyıa almaı kózden aqqan jasyn áli!..
Qyryq bes! Ketpeı qoıdyń esimnen bir,
Dalıyp jatty dala – tósinde gúl.
О́shkeni talaılardyń qaıta janyp,
Tileýi talaılardyń kesilgen jyl...
Aıtqalı NÁRIKOV.
ORAL.