QARAǴANDY. 7 tamyz. Prezıdent ákimshiliginiń kelisimi jáne Qaraǵandy oblystyq máslıhatynyń maquldaýymen Temirtaý qalasynyń ákimi bolyp Ǵalym Áshimov taǵaıyndaldy. Jańa basshyny qala aktıvine oblys ákimi Nurmuhambet Ábdibekov tanystyrdy. Bul týraly egemen.kz tilshisi habarlady.
Ǵalym Áshimov 1968 jyly týǵan. 2000 jyly Baıqońyrov atyndaǵy Jezqazǵan memlekettik ýnıversıtetin ekonomıst-menedjer mamandyǵy boıynsha bitirdi. Ár jyldarda Qaraǵandy oblysyndaǵy Jáırem aýyly men Qarajal qalasynyń ákimi bolyp qyzmet atqardy. Sondaı-aq, oblys ákiminiń apparaty men oblystyq ónerkásip jáne ındýstrıaldy-ınnovasııalyq damý basqarmasyn basqardy. Temirtaý qalasynyń basshysy bolyp taǵaıyndalǵanǵa deıin oblys ákiminiń aýyl sharýashylyǵy máseleleri jónindegi orynbasary bolyp eńbek etti.
Al búginge deıin Temirtaýdy bes jyl basqaryp kelgen Nurken Sultanov oblys ákiminiń keńesshisi bolyp taǵaıyndaldy.
Qaırat Ábildınov.
Derek: egemen.kz.
Sýret: mail.ru.