Elbasy Nursultan Nazarbaev Ulybrıtanııa jáne Soltústik Irlandııa Birikken Koroldiginiń Premer-mınıstri Devıd Kemeronǵa Konservatıvtik partııanyń parlamenttik saılaýdaǵy jeńisine baılanysty quttyqtaý jedelhatyn joldady, dep habarlady Prezıdenttiń baspasóz qyzmeti.
Memleket basshysy Qazaqstan halqynyń jáne jeke óziniń atynan quttyqtady.
«Bul jeńis Ulybrıtanııa halqynyń Sizdiń saıasatyńyzǵa bildirgen aıqyn qoldaýynyń kórsetkishi ekeni anyq. Sizdiń Premer-mınıstr laýazymyndaǵy qyzmetińiz elińizdiń órkendeýine jáne Qazaqstan men Ulybrıtanııa arasyndaǵy strategııalyq áriptestiktiń odan ári damýyna septigin tıgizetinine senimdimin», – delingen jedelhatta.
Nursultan Nazarbaev D.Kemeronǵa zor densaýlyq pen qajymas qaırat, jaýapty qyzmetine tabys, al dostas Ulybrıtanııa halqyna bereke-birlik pen baqýattylyq tiledi.