ASTANA. 7 tamyz. Qazaq handyǵynyń 550 jyldyǵyna oraı Qazaqstan joǵary oqý oryndary arasynda ótken VIII jazǵy Ýnıversıada óz máresine jetti. Onyń nátıjesi boıynsha L.N.Gýmılev atyndaǵy Eýrazııa Ulttyq ýnıversıteti jalpy esepte jeńimpaz atandy. Atalǵan oqý orny jarys barysynda 17 altyn jáne 2 kúmis medalǵa qol jetkizdi. Bul týraly ýnıversıtettiń baspasóz qyzmeti habarlady.
Sport sharasyna elimizdiń barlyq aýmaǵynan 92 komanda qatysty. Oıyndar osy jyldyń 1 maýsymy men 10 shildesi aralyǵynda Astana, Almaty, Qaraǵandy, Qostanaı, Taraz, Shymkent, Taldyqorǵan jáne Semeı qalalarynda ótkizildi. Qatysýshylar sporttyń 32 túrinen synǵa tústi.
Jalpy eseptegi kúmis júlde Ál-Farabı atyndaǵy Qazaq Ulttyq ýnıversıtetine, al qola medal Muhtar Áýezov atyndaǵy Ońtústik Qazaqstan memlekettik ýnıversıtetine buıyrdy.
Jazǵy Ýnıversıada Qazaqstan joǵary oqý oryndary arasyndaǵy eń iri jáne keshendi sport sharasy bolyp tabylady. Sol sebepti, bul saıystyń bási aıtarlyqtaı joǵary deńgeıde.
Eýrazııa Ulttyq ýnıversıtetiniń rektoraty, qyzmetkerleri men porfessor-oqytýshylar quramy joǵary oqý ornynyń stýdenttik qoǵamyna jeńiske degen jigeri jáne salaýatty ómir saltyna umtylysy úshin úlken rızashylyq bildiredi. Jańa oqý jylynda Ýnıversıadada top jarǵan jáne júldeger atanǵan stýdentter men olardyń jattyqtyrýshylary basshylyq tarapynan marapattalatynyn aıta keteıik.
Elaman Qońyr.
Derek, sýret: L.N.Gýmılev atyndaǵy Eýrazııa Ulttyq ýnıversıtetiniń baspasóz qyzmeti.