Elimizde ótken «Halyq zańgeri» respýblıkalyq aksııasy aıasynda 120 myńnan astam azamat tegin ári bilikti quqyqtyq kómek aldy. Bul shara «Zań men Tártip» ıdeologemasyn iske asyrý baǵytyndaǵy eń iri áleýmettik bastamalardyń birine aınaldy, dep habarlaıdy Egemen.kz.
Búgin Qazaqstannyń barlyq oblys jáne aýdan ortalyqtarynda keń aýqymdy «Halyq zańgeri» respýblıkalyq aksııasy ótti. Shara barysynda azamattardyń quqyqtyq máselelerine naqty ári kásibı kómek kórsetildi.
Árbir nıet bildirýshi tanymal advokattar men tájirıbeli zańgerlerden tegin keńes alyp, ózderin tolǵandyrǵan suraqtaryn memlekettik organdardyń basshylaryna tikeleı qoıýǵa múmkindik aldy.
Aksııany Bas prokýratýra Ádilet mınıstrligimen, jergilikti atqarýshy jáne quqyq qorǵaý organdarymen birlesip uıymdastyrdy. Is-sharaǵa advokattar, zańgerler, notarıýstar men sot oryndaýshylary belsene qatysyp, «ZakonKZ» jáne «Paragraf» jelilik basylymdary aqparattyq qoldaý kórsetti.
Nátıjesinde 250-den astam qala men eldi mekende 120 myńnan astam azamat tegin quqyqtyq keńes aldy. Kelýshilerge zańdylyq pen quqyqtyq tártipti saqtaý, ınternet-alaıaqtyqtan qorǵaný, «dropperlik» áreketterdiń saldary, sondaı-aq EGOV.kz jáne Kaspi.kz platformalary arqyly nesıelerdi buǵattaý tásilderi týraly tolyq aqparat berildi.
Bıylǵy aksııaǵa 4 myńnan astam zańger, advokat, notarıýs jáne quqyq qorǵaý organdarynyń ókilderi qatysyp, aýqymy men qamtylýy jaǵynan rekordtyq kórsetkishke jetti.