Oblys ortalyǵynda alıment tóleýden qashyp júrgen 8 ákeniń kólik júrgizý quqy shekteldi. Bereshegi bar taǵy júz shaqty júrgizýshiniń qujaty polısııaǵa joldandy. Shyndyǵynda, alıment tólemeı júrgen azamattardyń basym bóligi jeke múlki men kóligin ózge bireýlerdiń atyna resimdeıdi eken. Sondyqtan sot oryndaýshylary olardan qaryzdy óndirip ala almaıdy. О́z atyna resimdelgen múlki joq azamatqa yqpal etý qıyn. Demek, azamattardyń kólik júrgizý quqyn shekteý sharasyzdyqtan týyndap otyrǵan áreket kórinedi.
Boryshkerlerge tıesili júrgizýshi kýáliginiń qoldanysyn ýaqytsha toqtata turý jóninde júzge jýyq usynys jiberilgen eken. Ázirge ishki ister organdary onyń 8-in ǵana qanaǵattandyrǵan. Bul 8 azamat endi qashan qaryzyn ótegenshe kólik júrgize almaıdy.
Budan ózge sot oryndaýshylary balasyna qaryz ákelerdiń basqa da lısenzııalarynyń kúshin ýaqytsha shekteý jumystaryn júrgizbek.
Ádilet departamentiniń málimdeýinshe, oblys boıynsha alıment tóleýge qatysty 11 myńǵa jýyq is bar. Onyń 4 myńǵa jýyǵy qazir oryndalyp jatyr. Al múldem tólenbegen qaryzdyń somasy 10 mıllıon teńgeden asqan.
Satybaldy SÁÝIRBAI,
«Egemen Qazaqstan».
Aqtóbe oblysy.