Qazgıdromet mamandary 4 qarasha kúni elimizdiń basym bóliginde qar men jańbyr jaýatynyn, al keı aımaqtarda jel kúsheıip, tuman bolatynyn eskertti, dep habarlaıdy Egemen.kz.
Sınoptıkterdiń málimetinshe, túnde soltústik aımaqta, kúndiz elimizdiń ortalyǵynda qar jaýady. Ońtústikte jáne taýly aımaqtarda jańbyr men qar jaýady. Al respýblıkanyń batys bóliginde aýa raıy jaýyn-shashynsyz bolady dep kútiledi.
Elimizdiń kóptegen óńirinde jeldiń kúsheıýi, tuman túsýi jáne kóktaıǵaq baıqalýy múmkin. Sonymen qatar Jambyl oblysynyń batysy, shyǵysy men ortalyǵynda, Almaty oblysynyń batysynda, Qyzylorda oblysynyń soltústigi men ortalyǵynda joǵary órt qaýpi saqtalady.
Buǵan deıin aýa raıynyń qolaısyzdyǵyna baılanysty eki óńirde kólik qozǵalysynyń jyldamdyǵyna shekteý engizilgen edi.