Ulttyq quryltaıdyń Býrabaıda ótken IV otyrysynda Memleket basshysy birqatar sarapshylar men qoǵam ókilderiniń ishki saıasat salasynda tujyrymdamalyq qujat qabyldaý qajettigi jónindegi bastamasyn qoldady.
Prezıdent Ákimshiligi jarty jyldan asa ýaqyt boıy túrli dıalog alańdarynda Ulttyq quryltaı músheleriniń, sarapshylardyń, qoǵamdyq jáne ǵylymı uıym ókilderiniń qatysýymen pikirtalastar uıymdastyrdy.
Sarapshylyq talqylaýlardyń nátıjesinde ishki saıasat salasynda júrgizilip jatqan jumysty júıeleıtin tujyrymdamalyq qujattyń jobasy ázirlendi.
Keshe Memleket basshysy «Qazaqstan Respýblıkasy ishki saıasatynyń negizgi qaǵıdattary, qundylyqtary men baǵyttaryn bekitý týraly» Jarlyqqa qol qoıdy. Ishki saıasat salasyndaǵy jumysty júıelep, úılestirýdi kózdeıtin qujat birinshi kezekte memlekettik organdarǵa arnalǵan. Sonymen qatar bul qoǵamǵa júrgizilip otyrǵan memlekettik saıasattyń ıdeıalyq mánin jáne elimizdiń bolashaqtaǵy beınesiniń aıqyn baǵytyn túsinýge múmkindik beredi.
Erlan QARIN,
Memlekettik keńesshi