Astana qalasy Tilderdi damytý jáne arhıv isi basqarmasy men Qazaqstan Jazýshylar odaǵynyń uıymdastyrýymen «Qalamger ustahanasy» jobasy aıasynda jazýshy Roza Muqanovanyń «Qazaq dramatýrgııasy: sıýjet, ıdeıa jáne kórkemdik tásil» taqyrybyndaǵy dárisi ótti, dep jazady Egemen.kz.
Shyǵarmashylyq zerthana týyndynyń jazylý sebebin, qalamgerdiń sol sáttegi kóńil aýanyn, jazýshy eńbegine tán belgi-erekshelikterdi arqaý etedi. Dáris barysynda Roza Muqanova qazirgi qazaq dramtýrgııasynyń máselelerine toqtalyp, pesa jazý barysynda ózi qoldanatyn dramalyq ádis-tásildermen bólisti.
Shyǵarmashylyq bel-belestegi alǵashqy áńgimesi – «Aıdanyń» jazylý tarıhyna toqtalyp, oǵan jazǵan Dýlat Isabaevtiń pikirininen keıin ádebıet álemine qadam basqan kezin esine aldy.
Ádebı is-sharaǵa qala ákiminiń orynbasary Eset Baıken, Qazaqstan Jazýshylar odaǵy Astana qalasy fılıalynyń tóraǵasy Baýyrjan Babajan, jazýshylar A. Altaı, Shárbaný Beısenova, aqyn Ońaıgúl Turjan jáne ózge de zııaly qaýym ókilderi, qala turǵyndary men stýdentter qatysty.
Dáris sońynda jazýshy tyńdarmandarmen erkin pikir almasyp, qoıylǵan suraqtarǵa jaýap berdi. Is-sharanyń tolyq nusqasy YouTube arnasynda jarııalanyp otyrady.