Aqyn jerindegi saıahat áleýmettik jelide áspettelýde

Shyǵys óńirinde «Abaı je­rindegi saıahat» atty blog-sapar ótti. Abaıdyń 170 jyldyq mereıtoıy aıasynda Shyǵys Qazaqstanǵa arnaıy kelgen blogerler qaýymy bir apta boıy óńirdegi tarıhı-mádenı eskertkishtermen tanysyp, aqynnyń týǵan jerinde boldy. Sondaı-aq, olar oblystaǵy tý­rıs­tik jáne sporttyq klasterdiń damýymen tanysty. Blog-sapar baǵ­darlamasy oblys ortalyǵyn­da bas­talyp, áleýmettik jelini bel­sen­di qoldanýshylar Ertistiń sol jaǵa­laýyndaǵy saıabaq kesheninde, etno­aýylda, ashyq aspan astyndaǵy mýzeıde, Halıfa Altaı atyndaǵy oblys­tyq meshitte, oblystyq drama teat­rynda boldy. Sonymen birge, jańa sporttyq nysandar – O.Ry­pakova atyndaǵy jeńil atletıka maneji, ortalyq basseın jáne jek­pe-jek saraıyndaǵy sporttyq klas­ter­di damytý jobasymen tanysty. – Ásirese, etnoaýyl unady. Qa­zaq, orys, koreı, belorýs, sheshen, ýkraın jáne basqa da ulttardyń qo­nysyn kórip, árqaısysynyń máde­nıeti men tarıhynan habardar bola alasyz. Bul úılerdegi ár zat – baǵaly jádiger. Negizinen, etnos­tar ózderiniń tarıhı jádiger­lerin osyn­da ornalas­tyrypty. Maǵan che­shen men grýzınniń qonys­tary unady, – dep jazdy aqyn ­T.Tań­ja­ryq áleýmettik jeli­degi jeke paraqshasynda. Blog-sapar barysynda qonaqtar oblys­tyń týrızm salasyn damy­týdaǵy jobalarymen de tanysty. Katonqaraǵaı jáne Zyrıan aýdandarynda aýyldyq týrızmdi damytý jobalary jóninde bilgen olar Berel qorǵandary men maral sharýashylyqtarynda boldy. Belgili bloger Maksım Rojın óz paraqshasyna: «Abaı jerine saıahat barysynda Shyǵys Qazaqstan óńirin­de meni de, saparlastarymdy da qatty tańǵaldyrǵany – kúnbaǵys alqap­tary. Jergilikti jigitterdiń aıtýynsha, elimizde egiletin kúnbaǵystyń 80 paıyzy osy óńirde jınalady, – dep jazdy. Semeı qalasynda jalǵasqan saıa­hat arqyly meımandar Abaı mereıtoıyna arnalǵan merekelik is-sharalarǵa qatysty. Hakimniń ómiri men shyǵarmashylyǵyna qatysty tyń derektermen tanysyp, Jıdebaı-Bórili qoryq-murajaıynda, «Abaı-Shákárim» memorıaldyq kesheninde boldy. Sondaı-aq, blogshylardy Shákárim atyndaǵy Semeı memlekettik ýnıversıtetinde ótken «Abaı jáne álemdik órkenıet» atty ǵylymı-tájirıbelik konferensııa men «Adamzattyń Abaıy» atty saltanatqa qatysty. Dýman ANASh, «Egemen Qazaqstan».