Memlekettik shekaradan ótken sátten Máskeý áýejaıyna qonǵanǵa deıin Reseıdiń áýe keńistiginde Qazaqstan Prezıdentiniń bortymen birge RF Qorǵanys mınıstrliginiń Sý-35 ushaqtary qatarlasyp ushqan, dep habarlaıdy Egemen.kz Aqordanyń baspasóz qyzmetine silteme jasap.
Aıta keteıik, búgin Qasym-Jomart Toqaev Reseı Federasııasyna memlekettik saparmen bardy. Sapar 11 qarashadan 12 qarashaǵa deıin sozylady.
Memleket basshysy Vladımır Pýtınmen kelissózderge qatysyp, sondaı-aq onlaın formatta Oralda ótip jatqan Qazaqstan men Reseıdiń XXI aımaqaralyq yntymaqtastyq forýmynyń plenarlyq sessııasyna qatysady dep josparlanyp otyr.
Buǵan deıin Prezıdent Toqaev «Rossııskaıa gazeta» betinde jarııalanǵan «Máńgilik dostyq – halyqtarymyz úshin jarqyn jol» atty maqalasynda saparynyń negizgi maqsaty retinde Qazaqstan men Reseı arasyndaǵy qatynastardy jan-jaqty strategııalyq áriptestik pen odaqtastyq deńgeıine kóterý týraly Deklarasııaǵa qol qoıýdy ataǵan edi.