«Uly qazaq dalasynyń aqsaqaly»

«Uly qazaq dalasynyń aqsaqaly» Kózi tirisinde osyndaı qoshemet kórsetilgen abyzdyń esimi týǵan jerinde eskerýsiz qalmady

Esil aýdanyna qarasty J.Qızatov atyndaǵy  aýyl sharýashylyǵy kolledjinde belgili  memleket jáne qoǵam qaıratkeri Báıken Áshimovke memorıaldyq eskertkish ornatylyp, ashylý  rásimine   Almatydan, Astanadan, Qyzyljar óńirinen qonaqtar, týǵan-týystary jınaldy.

Báıken Áshimuly 1935-1938 jyldar aralyǵynda osyndaǵy Lenın aýyl sharýashylyǵy tehnıkýmynda oqyǵan. Lenıngrad qoldanbaly zoologııa ınstıtýtyn, Joǵary partııa mektebin bitir­gen. 1942-1945 jyldary Uly Otan soǵysyna qatysyp, jaý­dy tal­qandaýda úlken erlik­ter kór­set­ken. Maıdannan oralǵan­nan keıin Aıyrtaý, Zerendi aýdan­da­rynda, Kókshetaý, Qaraǵan­dy,­ Taldyqorǵan oblystaryn­da­ basshylyq qyzmetter atqar­ǵan. 14 jyl boıy Qazaqstan Úkimetin basqarǵan, keıin Joǵarǵy Keńes Pre­zıdıý­mynyń Tóraǵasy qyzmetin atqar­ǵan. Ol el basqarǵan kezeńde daryndy basshy, danagóı saıasatker retinde tanylyp, asqan bilimdiligi men ómirlik tájirıbesin el ekonomıkasyn órkendetýge jumsaǵan.

Memorıaldyq eskertkishtiń ashylý saltanatynda sóılegen sózinde oblys ákimi Erik Sultanov elimizdiń tarıhynda ózindik oıyp alar orny bar memleket jáne qo­ǵam qaıratkeriniń talantty uıym­dastyrýshylyq, zor adam­ger­shilik qasıetterin erekshe atap ótti.

– Men Báıken aǵamen talaı ret dámdes boldym. Ár kezdes­ken saıyn ǵıbratty úlgi-ónege alýshy edik. Qarapaıymdylyǵy men iskerligine tánti bolyp, elikteýge umtylatynbyz, – deı kelip Qazaqstannyń Eńbek Eri Gennadıı Zenchenkoǵa sóz berdi. Ol kózi tirisinde ańyzǵa aınalǵan tulǵaǵa qandaı qurmet kórsetilse de laıyqtylyǵyna toqtaldy.

Báıken aǵanyń uly, M.Qozy­baev atyndaǵy Soltústik Qazaq­stan memlekettik ýnıversıtetiniń rektory, akademık Ońdasyn Áshimov Almatyda ákesi tur­ǵan úı­ge eskertkish taqta ornatyl­ǵa­nyn, Elbasynyń usynysymen jańa­dan salynǵan záýlim me­shitke esimi berilgenin jetkize kelip, búging­i atqarylǵan ıgi sha­raǵa rıza­shylyǵyn bildirdi. О́zge sheshender de ómiri tutas dáýirdi qamtyǵan, árqashan halqy­nyń, eliniń ıyǵyna túsken aýyrt­palyqtardyń aldyńǵy leginde júrgen jan jaıly tálimdi estelikter aıtty.

О́zgeshe keskinmen turǵyzyl­ǵan memorıaldyq eskertkish ashyl­ǵannan keıin gúl shoq­ta­ry qoıylyp, taǵzym etildi. Meı­mandar kolledjdiń murajaıyn aralap, abyz aqsaqalǵa qatysty jádigerlermen tanysty.

О́mir ESQALI, «Egemen Qazaqstan».

Soltústik Qazaqstan oblysy, Esil aýdany.

Sýretti túsirgen Amangeldi BEKMURATOV.