«Qazaqstannyń Turǵyn úı qurylys jınaq banki» AQ qyrkúıekte turǵyn úıge qatysty ótinishterin qabyldaýdy bastaıdy. Buǵan «Halyqtyń barlyq sanatyna arnalǵan turǵyn úı» baǵyty boıynsha II toptyń talaptaryna sáıkes keletin tulǵalar qatysa alady.
Almatyda Shekara qyzmeti akademııasynyń jańa oqý nysanynyń irgetasy qalandy. Oqý beketi bolashaqta QR UQK Shekara qyzmetimen Qyrǵyzstan, Tájikstan jáne Aýǵanstan memleketi úshin shekaradaǵy baqylaý-ótkizý beketterinde qyzmet atqaratyn kásipqoı ofıserlerdi daıarlaýǵa paıdalanylady. Aıta keteıik, jospar boıynsha qurylys bıylǵy jyldyń qazan aıynda aıaqtalady.
Qaraǵandy oblysynyń Temirtaý qalasynda metall buıymdaryn shyǵaratyn seh iske qosyldy. Jobanyń quny 302,1 mln. teńgeni quraıdy. Sondaı-aq, sehta jańadan 20 jumys orny ashyldy.
Aqtóbede 2015-2017 jyldary jalpy somasy 9,3 mlrd. teńgeni quraıtyn 10 joba iske qosylady. Sonymen qatar, bıyl 5,1 mlrd. teńgege 5 jobany aıaqtaý jáne olardyń bazasynda 220 jańa jumys ornyn qurý josparlanyp otyr.
Batys Qazaqstan oblysynda agroónerkásip keshenin damytýǵa 2 mlrd. 450 mln. teńge qaraldy. Bul qarajattyń 7 mlrd. 258,5 mln. teńgesi agroónerkásip keshenin damytýǵa jáne azyq-túliktik, veterınarııalyq, fıtosanıtarııalyq qaýipsizdikti qamtamasyz etýge qarastyrylǵan.
Atyraý oblysynda Astrahan–Mańǵystaý sý qubyrynyń jumysy qaıta jandandy. «QazTransOıl» AQ-tyń habarlaýynsha, endi atalǵan qubyr arqyly aýyzsý turǵyndarǵa qalypty tehnologııalyq rejimde jetkiziletin bolady.
Petropavlda aldaǵy oqý jyly qarsańynda 36 mektepke jańa oqýlyqtar satyp alý úshin qalalyq jáne respýblıkalyq bıýdjetten 156 mln. teńge bólindi. Sonymen qatar, bilim bólimi 14 baspahanamen kelisimder ornatyp, qaladaǵy mektepterdi 100 paıyz oqýlyqpen qamtýǵa qol jetkizdi.
Habarlar Úkimet, oblystyq ákimdikter saıttary, «QazAqparat» agenttigi jáne «24kz» telearnasynyń derekteri boıynsha
daıyndaldy.