Baǵalanǵannyń baǵy bıik
Bıznestiń áleýmettik jaýapkershiligi jónindegi «PARYZ-2015» konkýrsy
«Bıznestiń áleýmettik jaýapkershiligi jónindegi «Paryz» konkýrsy týraly» Qazaqstan Respýblıkasy Prezıdentiniń 2008 jylǵy 23 qańtardaǵy №523 Jarlyǵyna sáıkes Bıznestiń áleýmettik jaýapkershiligi jónindegi «Paryz» konkýrsyn 2015 jyly ótkizý bastalǵanyn habarlaımyz.
Konkýrs Qazaqstan Respýblıkasynyń búkil aýmaǵynda júrgiziledi jáne oǵan jeke kásipkerlik sýbektiler (budan ári – úmitkerler) qatysa alady.
Konkýrs laýreattarynyń ataqtary eki sanat boıynsha:
1. shaǵyn jáne orta kásipkerlik sýbektisi;
2. iri kásipkerlik sýbektisi;
jáne mynadaı nomınasııalar boıynsha beriledi:
1.«Úzdik áleýmettik jaýapty kásiporyn». Bul nomınasııada óz personalyn qoldaýǵa baǵyttalǵan áleýmettik baǵdarlamalardy iske asyratyn úmitkerlerdiń qyzmeti qaralady (eńbekaqyny jáne áleýmettik tólemderdi uıymdastyrý, eńbekti qorǵaýdy uıymdastyrý, kadrlardy kásibı daıarlaý jáne qaıta daıarlaý júıesin uıymdastyrý jáne t.b.).
2. «Eńbekti qorǵaý salasyndaǵy úzdik kásiporyn». Bul nomınasııada úmitkerlerdiń eńbek jaǵdaılaryn qurýda jumyskerlerdiń eńbek etý barysynda densaýlyǵyn saqtaý áreketi qaralady.
3.«Úzdik ujymdyq shart». Bul nomınasııada Qazaqstan Respýblıkasynyń zańnamasynda kózdelgen qyzmetkerlerdiń eńbek jáne áleýmettik quqyqtaryn edáýir jaqsartatyn jáne nyǵaıtatyn ujymdyq sharttar qaralady.
4.«Ekologııaǵa qosqan úlesi úshin». Bul nomınasııada qorshaǵan ortanyń jaǵdaıyn jaqsartýǵa baǵyttalǵan tabıǵatty qorǵaý (ekologııalyq) baǵdarlamalaryn iske asyrýda erekshe kózge túsken úmitkerlerdiń qyzmeti qaralady.
Bıznestiń áleýmettik jaýapkershiligi sheńberinde «Paryz» konkýrsyna belsendi túrde qatysýǵa shaqyramyz.
Konkýrs jóninde tolyq aqparatty 57-87-66, 57-89-08, 57-89-12 (Astana qalasynyń jumyspen qamtý jáne áleýmettik baǵdarlamalar basqarmasy), 55-54-80 (Astana qalasynyń eńbek ınspeksııasy jónindegi basqarmasy) jáne 22-65-95 (Astana qalasynyń ekologııa departamenti) telefondary arqyly alýǵa bolady.