ASTANA. 8 tamyz. Memleket basshysy Nursultan Nazarbaev «Nur Otan» partııasy Tóraǵasynyń birinshi orynbasary qyzmetine Asqar Myrzahmetovti taǵaıyndady.
Bul týraly «QazAqparat» habarlady.
Buǵan deıin «Nur Otan» partııasy Tóraǵasynyń birinshi orynbasary qyzmetin Baýyrjan Baıbek atqarǵan bolatyn.
Osy ýaqytta «Nur Otan» partııasy Saıası bıýrosy keńesiniń otyrysy ótýde.
Myrzahmetov Asqar Isabekuly 1962 jyly týǵan. Aýyl sharýashylyǵy jáne ekonomıkalyq mamandyqtary boıynsha bilim alǵan. Aýyl sharýashylyǵy ǵylymdarynyń kandıdaty.
Aspırantýrany aıaqtaǵan soń 1988-1991 jyldary Búkilodaqtyq aýyl sharýashylyǵy ǵylymdary akademııasynyń shyǵys bólimshesi júıesinde kishi, keıinnen aǵa ǵylymı qyzmetker bolyp jumys istegen.
1991-1997 jyldary sharýashylyq sýbektilerde men qoǵamdyq uıymdarda (Orta Azııa jáne Qazaqstan bırja qaýymdastyǵy basqarmasynyń, Qazaqstandaǵy Kásipkerleri forýmy keńesiniń tóraǵasy) basshylyq qyzmetterin atqarǵan.
1997 jyldan 2006 jyldyń qańtaryna deıin Qazaqstan Premer-Mınıstriniń keńesshisi, Aýyl sharýashylyǵy vıse-mınıstri, birinshi vıse-mınıstri jáne Aýyl sharýashylyǵy mınıstri laýazymdarynda qyzmet atqarǵan.
2006 jyldyń sáýirinen 2007 jyldyń qyrkúıegi arasynda Qazaqstan Respýblıkasynyń О́zbekstan Respýblıkasyndaǵy Tótenshe jáne ókiletti elshisi.
2007 jyldyń qyrkúıeginen 2009 jyldyń naýryzy aralyǵynda - «Ońtústik» Áleýmettik kásipkerlik korporasııasy» Ulttyq kompanııasy» Aksıonerlik qoǵamy basqarmasynyń tóraǵasy.
2009 jyldyń naýryzynan búgingi kúnge deıin Ońtústik Qazaqstan oblysynyń ákimi qyzmetin atqardy.
Talǵat Raıymbek.
Derek: «QazAqparat».
Sýret: otyrar.kz.